Mielenterveystalo.fi-ovttasbargofidnu neahttabálvalus sisttisdoallá šlunduma iežasdikšunprográmma davvisámegillii. 

Gielladahku–bálkkašumiin sámi giellaráđđi háliida giddet fuopmášumi dasa, ahte Mielenterveystalo.fi-ovttasbargofidnu lea ollašuhttán sámiid gielalaš bálvalusaid ođđalágan vugiin, mii juksá viidát sámegielat olbmuid.

Mielenterveystalo.fi-ovttasbargofidnu neahttaalbmadusa Iežasdikšunrávvagat ja daid geavaheapmi ii leat áigái iige báikái čadnon. Iežasdikšunrávvagat fáhtejit neahttaalbmadussan sámegielat olbmuid nu sámeguovllus go dan olggobealde. Neahtas doaibman, ja maiddái rávvagiid ja dieđihančállosiid olggosbuktin neahtas leat ođđaáigásaš bálvalanhámit, maid galgá ovddežis lasihit dálá bálvalanhámiid lassin.

Neahttaalbmadussan Iežasdikšunrávvagat olahit buorebut erenomážit sámegielat nuorat olbmuid, geat leat hárjánan dikšut áššiideaset neahtas ja geavahit elektrovnnalaš bálvalusaid. Sámegielat Iežasdikšunrávvagat fállet oahpisteami iežas buorredili doarjjan ja rávvagiidda sáhttá oahpásmuvvat iežas áigetávvala mielde báikkis fuolakeahttá.

Sámi giellaráđđi atná dehálažžan, ahte dat leat oažžumis maiddái sámegillii. Sámegielat neahttaalbmadusa buvttadeamis lea dehálaš, ahte preanttus lea álkit gávdnomis. Vaikke Iežasdikšunprográmmai ii leat njuolggo liŋka Mielenterveystalo.fi-siidduin, dat gávdno ainjuo Mielenterveystalo.fi-siiddu iežasdikšunrávvagiid bláđemiin.

Iežasdikšunrávvagiid doaimmaheapmi neahtas davvisámegillii lea sámegielat bálvalusaid fálaldagas dakkár vuosttas lávki, man Sámi giellaráđđi sávvá roahkasmahttit maiddái eará orgánaid lágidišgoahtit sámegielat bálvalusaid neahtas. Dál olggosaddon Iežasdikšunrávvagat leat vuosttas Mielenterveystalo.fi-ovttasbargofidnu davvisámegielat neahttaalbmadus. Sámi giellaráđđi sávvá, ahte Gielladahku-bálkkašupmi movttiidahttá bálkkašumi oažžu viiddidit davvisámegielat fálaldaga ja maiddái, ahte dat doaimmaha neahttamateriála vejolašvuođaid mielde maiddái anárašgillii ja nuortalašgillii.