Sámiid álbmotbeaivve gudnin Sajosis ordnejuvvo árbevirolaš Klubi-eahket 6.2.2016 dmu 19 rájes. 

Eahket álggahuvvo sámi oanehisfilmmain, maid blu-ray skearru almmustahtto álbmotbeaivve. Filmmaid maŋŋá Klubi joriha albmaláhkai johtui ja lávddi ala lávkejit Sámi oahpahusguovddáža sámemusihka oahppit.

Eahkeda bajálašta Sámi Grand Prix – musihkkagilvvu Suoma juoiganoassegilvu s. dmu 20:30. Juoigangilvui sáhttá oassálastit maiddái anáraš livđein sihke nuortalaš leu´ddiin. Gilvui ovddalgihtii almmuheamit Sajosii Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje tel. +358 50 565 1346. Gilvui sáhttá almmuhit vel Klubi-eahkeda áigge.

Lávddi ala lea maiddái lohpidan lávket Sámi Grand Prix-lávlungilvvu 2014 vuoitán Aila-duo. Lassin eahkeda áigge DJ dánssuha olbmuid ja árbevirolaččat gii beare, geas lea miella, oažžu gorgŋet eahkeda áigge lávddi ala ja rohttet álbmoga fárrui. Sajosa buorit čuojanasat leat nappo stellejuvvon geavaheami várás ja mikrofovdna vuordá loaiddasteaddji ! Go nealgi falleha, restauráŋŋa Lyemes sáhttá borastit juoiddá ja návddašit juhkamušaid.

Klubi-eahket lea K-18 nuvttádáhpáhus. Mánáide ja nuoraide čájehuvvojit Klubis filmmat beaivvi áigge. Čájáhusáiggiin almmuhuvvo dárkilabbot.

Bures boahtin ávvudit álbmotbeaivve ovttas !

Klubi-eahkeda lágidit Sajos, Sámemusihkkaguovddáš, Skábma Filbmaguovddáš, Sámi oahpahusguovddáš sihke Restauráŋŋa Lyeme

Lassidieđut:

Sámekulturguovddáš Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

tel. +358 50 565 1346