Vidas Extramas lea dakkár čájálmas maid it soaitte goassege ovdal oaidnán. Guatemala ja Sápmi – guokte áibbas earálágan máilmmi gávnnadeapmi. Boađus das lea earenoamáš hip-hopa, lávdedáidaga, mayakultuvrra ja sámekultuvrra seaguhus. Sajosis duorastaga 25.2. dmu 18. 

Dán čájálmasa gávnnadeapmi lea gaskkal urbána stuoragávpotkultuvrra ja ođđaáigásaš eamiálbmotdáidaga. Čájálmas lea guovdu ja gasku guovtti kontineantta, mat leabba áibbas earálágážat ja lea sivdniduvvon rastá rájiid ja hehttehusaid. Dáiddárat ovdanbuktet dáid gažaldagaid: mii guoská midjiide buohkaide? Mii lea oppamáilmmálaš? Sáhttá go lávdedáidaga ovttastit hip-hopain ja mayameanuiguin? Sáhttá go beatboxing, luohti ja poesiija bajiduvvot ovttadahkii?

Ja dasa lassin: Sáhttit go mii odne váldit oahpu Guatemala siskkáldassoađis, gos eambbo go 100 000 olbmo gottáhalle ja mii nogai 1996s? Maid lea vejolaš oahppat eallima ravddamusas?

Čájálmasas deaivvadit sođiin ja jápmimiin. Dánsejeaddjit ja neavttárat nektet vahága dihte ja beatboxejit ceavzima dihte.

Buvttadus lea Beaivváš Sámi Našunálateáhtera ja Hætta Productiona ovttasbargu (Christina Hætta ja Nikolai López leaba Hætta Production) ja de maid servet Guatemala joavkkut Sotz’il ja Guatemaya dán ovttasbarggus. Dramatikken Hus, Fritt Ord ja Norgga ambassada Guatemalas leat ruđalaččat dorjon prošeavtta. Čájálmasmátki lea ovttasbargguin Scene Finnmark, Kultur i Troms ja DKS Áltá.

Čájálmasbáiki mearrida dáro- dahje sámegiela čájálmasas, ja bistá 60 minuhtta bottu haga.

Giehtačálus: Teavsttat maid čuovvovaš olbmot leat čállán: Sigbjørn Skåden, Veronica Salinas, Rosa Chávez, Angel "Kame" Canas Ambrosio, maid Jon Tombre lea ovttastuhttán.

Bagadalli: Jon Tombre

Lávde- ja Bivttashábmen: Even Børsum

Čuovgahábmen: Bernt Morten Bongo

Neavttárat/Ensemble:

Mary Sarre

Iŋgor Ántte Áilu Gaup

Nils Rune Utsi

Mercedes Francisca Garcia Ordonez

Ludwing Isaac Chicohay Mejia

Wilson Ottoniel Puac Joj

Carlos David Catun Quintana

Luis Ricardo Cumes Gonzales

Bileahtat: 20/12 €  

Sámekulturguovddáš Sajos, Anár +358 (0) 10 839 3168 ja www.lipputoimisto.fi.

Bileahtavuovdin uksaguoras álggahuvvo diimmu ovdal čájálmas, juos bileahtat leat vel oažžumis. 

Juos háliidat várret báikki jorrestullui, váldde oktavuođa šleađgapoasttain čujuhussii sajos(a)samediggi.fi dahje telefovnnain 050- 565 1346.