| Sámedikki Nuoraidráđi Oahppoofelaš-prošeakta |
|
|
|
Sámedikki Nuoraidráđi Oahppoofelaš -prošeakta sámiid ruovttuguovllu boahtteáiggi bargodilis lea álgán. Prošeavtta ulbmilin lea čielggadit, makkár surggiin leat dál ja boahtteáiggis bargosajit sámiid ruovttuguovllus, main surggiin lea dárbu sámegielat bargiide ja makkár bargguid sáhttá bargat ollásit gáiddusbargun.
Mii ollašuhttit čielggadusa elektrihkalaš jearahállaskoviin ja jearahállamiiguin ruovttuguovllu gielddain ja čielggadusa vuođul ráhkadit nuoraide oaivvilduvvon Oahppoofelaš –infogihppaga. Gihppaga dárkkuhussan lea fállát nuoraide dieđu bargosajiid dilis boahttevuođas, nuba nuorat sáhttet válljet diekkár skuvlensuorggi, mas leat boahttevuođas bargovejolašvuođat sámiid ruovttuguovllus. Mii váldit fargga oktavuođa sámeguovllu bargoaddiide ja mii giitit buohkaid ovttasbarggus.
Lassedieđut prošeavttas: Laura Olsén, Prošeaktabargi, Nuoraidráđđi, laura.olsen(at)samediggi.fi, tel. +358 40 642 7662. |
|
| Viimeksi päivitetty ( 04.02.2016 ) |