| Sámenuoraid dáiddadáhpáhus boahtá vuohon! |
|
|
|
Guovttibeaivásaš sámenuoraid dáiddadáhpáhus ordnejuvvo Anáris Sámekulturguovddáš Sajosis 30.-31.3.2016. Dáhpáhusa váldotemán lea sámegiel teáhter. Dasa lassin lágidit dánsunbargobájiid, maid bokte ráhkkanit juo boahttejagi dánsuntemái. Dáhpáhusa rahpandoalut dollojuvvojit gaskavahku 30.3. diibmu 19.00.
Skuvllaid ja čájálmasaid almmuheapmi dahkkojuvvo dán jagi interneahtas Webropol-prográmma bokte. Almmuheapmi lea rabas 1.-15.3. Mii addit dárkilut almmuhanrávvagiid lagabus dáhpáhusa. Maŋŋonan almmuhusaid eat sáhte váldit vuhtii.
Dárkilut dieđut teáhtertemás ja dasa laktaseaddji šlájain gávdnojit dán liŋkkas. Teáhtertemá mearkkaša dan, ahte maid dohkkáteáhter lea vejolaš! Čájáhusaid bastá čuovvut olles sáles Sajosa stuorra screena (laajakangas) geažil.
Dáhpáhusa plánejeaddjin lea álggahan 1.2. Unna-Maari Pulska. Sáhttibehtet váldit sutnje oktavuođa buot áššiin, mat laktásit dáhpáhussii. Sámediggi lágida ovddit málles mielde oassálastiid mátkkiid, idjadeami ja oasi borademiin. Almmuhit dárkilut dieđuid lagašáiggiid.
Sávvat buohkaide movttegis ráhkkananáiggi teáhtera máilbmái! Oaidnalit Anáris!
Lassedieđut: Unna-Maari Pulska +358 (0)40 646 3223 unna-maari.pulska(at)samediggi.fi
|
|
| Viimeksi päivitetty ( 18.02.2016 ) |
