Sámedikki nuoraidráđđi ollašuhttá Oahppoofelaš-fidnu oktavuođas Suoma sámeguovllu boahttevuođa bargooidnosiid kártejeaddji čielggadusa. Čielggadus dahkko elektrovnnalaš gažaldatskovi vástádusaid ja jearahallamiid vuođul ja daid mielde ráhkaduvvo nuoraide dárkkuhuvvon Oahppoofelaš-gihpa.

Gihpa fállá nuoraide dieđuid, man vehkiin nuorra sáhttá hálidettiin vuolgit studeret suorggi, mas sáhttá vejolaččat oažžut barggu dál ja boahttevuođas sámiid ruovttuguovllus. Čielggadusas kártejuvvojit maiddái maid surggiin lea dárbu sámegielat bargiide ja maiddái makkár bargguid sáhttá bargat ollásit gáiddusin.

Gažaldatskovi vástádusat gieđahallojit luhtolaččat. Gažaldatskovvi giddana bearjadaga 26.2.2016, nu ahte vástidathan jearahallamii ovdal dan. Giitu áiggis ja veahkis čielggadusa ollašuhttima várás.

Liŋkka davvisámegielat jearahallanskovvái:

https://www.webropolsurveys.com/S/CD395D1540FDCBD9.par 

Lassedieđut:

Laura Olsén

prošeaktabargi

laura.olsen(at)samediggi.fi

+358 40 642 7662