Sámediggi kárte sámegielat giellabeassedoaimma dárbbu Eanodaga gielddas |
Sámediggi kárte sámebearrašiid sámegielat doaimma dárbbu Eanodagas. Kárten guoská sámemánáid giellabeassedoaimma. Sámediggi ohcá jahkásaččat oahpahus- ja kulturministeriijas stáhtadoarjaga sámiid giellabeassedoaimma várás. Bivdit, ahte buohkat giellabeassedoaimmas beroštuvvan bearrašat vástidit dán jearahallamii 9.3.2016 rádjai: https://www.webropolsurveys.com/S/F7141313A5C70439.par
Sámediggi ohcá jahkásaččat ovttasbarggus Eanodaga, Anára, Soađegili ja Ohcejoga gielddain oahpahus- ja kulturministeriijas stáhtadoarjaga sámegiela ealáskahtti doaimmaid várás, erenomážit giellabeasse- ja giellalávgunriekkesdoaimma várás. Dán jearahallama vehkiin kártejuvvo sámegielat giellabeassedoaimma dárbu Eanodagas.
Giellabeassi lea gielalaš vehádaga dahje eamiálbmoga mánáide dárkkuhuvvon beaivedikšunbáiki, gos buot doaibma dáhpáhuvvá álggu rájes dušše sámegillii. Giella ohppojuvvo luonddolaš árgga diliin. Doaibma ollašuhtto ordnemiin árgan vuollái skuvlaahkásaš mánáide sámegielat giellalávgunbeaivedikšun sihke skuvlamánáide eahketbeaivedoaibma giellalávgunvuogi geavahemiin. Doaimmas berrojuvvo beaivedikšunmáksu. Giellabeasi rabasáigi livččii eanaš dmu 8-16 gaskasaš áigge. Giela oahppama dáfus mánná galggašii leat giellabeasis uhcimustá 26 h/vahkus. Dikšunbeivviid gaskkas eai mielas oaččošii leat guhkes bottut, daningo dat váikkuha giela ovdáneapmái. Ideáladilli livččii jos mánná beasašii gullat giela measta beaivválaččat.
Giellabeassemetoda lea nannoseamos smávva mánáide dárkkuhuvvon vejolaš giela ealáskahttinvuohki, mainna vehádatgiela sáhttá sirdit mánáide lunddolaš giellan ruovttu olggobealde. Giellabeassemetoda lea gávnnahuvvon ee. anárašgielas erenomáš beaktilis metodan. Giellabeassemetoda lea ovddiduvvon gielaealáskahttinvuohkin eandalit beaivedikšunbirrasii. Giellabeassedoaimma álgima várás guovllus galget leat doarvái mánát, ja nuppe dáfus giellabeassái válljejuvvon mánáin galgá leat giela sirdima ektui doarvái beaivedikšundárbu. Giellabeassedoaimma dárkkuhussan lea bajásgeassit mánáid ođđa giellasirdin, goas mánáid gielladáidu ovdánivčče giellabeasis eatnigiellan, eatnigielalágan giellan dahje uhcimustá erenomáš nana nuppi giellan.
Giellabeassedoaimma álggaheami várás kártet sámebearrašiid dárbbu ja beroštumi oassálastit giellabeassedoibmii jagi 2016. Bivdit, ahte buohkat giellabeassedoaimmas dahje giellalávgunriekkesdoaimmas beroštuvvan bearrašat devdet 9.3.2016 rádjai Webropol jearahallama čujuhusas: https://www.webropolsurveys.com/S/F7141313A5C70439.par
dahje devdet mielddusin leahkki jearahallama ja máhcahit poastta fárus Eanodaga gildii dahje Sámediggái. Lassidieđut: - Sámediggi: Pia Ruotsala, hálddahushoavda, SAJOS, 99870 Anár, 040-7262688, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. - Sámediggi: Siiri Jomppanen, gielladorvočálli, SAJOS, 99870 Anár, 050-4939018 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. - Eanodaga gielda: Hanna Tissari, vs. árrabajásgeassinjođiheaddji, Ounastie 165, 99400 Heahttá, 040 - 5694114, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Leat beroštuvvan _________ giellabeassedoaimmas, rájes_____________
Máná namma_________________________________riegádanáigi____________ Máná namma_________________________________riegádanáigi____________ Máná namma_________________________________riegádanáigi____________ Máná namma_________________________________riegádanáigi____________ Máná namma_________________________________riegádanáigi____________ Giellabeasi sávvojuvvon sajustanbáiki__________________________________ Giellabeasi sávvojuvvon doaibmaáigi _________________________________ Fuolaheaddjiid namat _____________________________________________________________ Telefonnummir eadni_____________ áhčči _____________ Čujuhus _________________________________________________________________________ Šleađgapoasta
Eará fuopmášanláhkai/sávaldagat:
Vuolláičálus: |
|
Viimeksi päivitetty ( 26.02.2016 ) |