Beivviid temán lea Sámi girkobeaivvit – oktavuohta Ipmilii ja guđet guimmiidasamet. Lea sávahahtti ahte girkobeivviin šaddá sámiid ekumenalaš ja riikkaidgaskasaš girkolaš ávvudeapmi ja gávnnadanbáiki. Girkobeivviid prográmma sisttisdoallá ipmilbálvalusaid, semináraid, konsearttaid, filmmaid sihke earet eará iežas doaimma nuoraide.

Girkobeivviid váldodoaibmagoddi čoahkkanii borgemánu 6.-7. beivviid Anáris. Doaibmagoddi árvalii beivviid semináraid fáddán earet eará sámiid girkolaš eallima guorahallama dál ja boahttevuođas, sámi kontekstuálalaš teologiija sihke Ruošša sámiid historjái ja dillái oahpásmuvvama. Prinsihpadoaibmagoddi oaččui gárvvisin ”Anára soahpamuššan” namahuvvon áššegirjji, mas meroštallojit girkobeivviid organiserema prinsihpat. Áššegirjji mielde girkobeivviid ordnejit Suoma, Ruoŧa ja Norgga sámit ovttasráđiid.

Sámi girkobeivviid ordne Oulu bismagoddi ovttas Suoma sámedikkiin sihke Ruoŧa ja Norgga sámi girkoráđiiguin. Organiseremis leat mielde maiddái Barentsa girkuid ráđđi sihke Oulu ortodoksalaš bismagoddi. Vuosttas Sámi girkobeaivvit dollojuvvojedje Johkamohkis Ruoŧas jagis 2004. (11.8.2008 / NP)

LASSEDIEĐUT: Sámebáhppa Tuomo Huusko, tuomo.huusko(at)evl.fi, tel. 040 7338153; Bismagoddedekána Niilo Pesonen, niilo.pesonen(at)evl.fi, tel. (08) 5358 556, 044 755 5556; Váldodoaibmagotti ságajođiheaddji Jouni Ilmari Jomppanen, tel. 0400 295588.