| Anárašgiela áppesa geahččaladdanveršuvdna almmustuvai |
|
|
|
Oahppit, geat álggahedje skuvlla anárášgielat oahpahusas, ožžo guhká vurdojuvvon áppesgirjji vuosttaš skuvlavahku loahpas. Sámedikki skuvlen- ja oahppamateriáladoaimmahat almmuhii anárašgielat áppesa geahččaladdanveršuvnna.
Áppes juhkkojuvvui Anára girkosiidda skuvlla anárašgielat oahpahusjovkui. Anárašgielat oahpahusas álggahedje oktiibuot čiežas, guhtta vuosttašluohkálačča ja okta ovdaskuvlalaš.
Anárašgielat áppes ´Anarâškielâ Aabis´ lea buot áiggiid vuosttaš. Dan lea čállán Matti Morottaja (Kuobžâ-Saammâl Matti) ja govaid dasa lea ráhkadan Daniel Gelencsér. Áppesa vuosttaš oasi materiála gárvanii aiddo go skuvlajahki álggii ja dat gokčá čakčalohkanbaji.
Giđđaáppesa geahččaladdanveršuvdna almmuhuvvo jagi molsašumis. Anárašgielat áppes galgá válmmaštuvvat čakčat 2009. Dat almmuhuvvo guoktin girjin, čakča- ja giđđaáppesin. |
|
| Viimeksi päivitetty ( 14.08.2008 ) |