| Sámi giellaláhkačielggadeapmi almmustuvai girjin |
|
|
|
Fil.lis. Klemetti Näkkäläjärvi (Juvvá Lemet) ráhkadan čielggadeapmi ´Sámi giellalága ollašuvvan jagiin 2004-2006´, lea almmustuvvan suomagillii prentejuvvon girjin. Čielggadeapmi guorahalla viidát jagi 2004 fápmui boahtán ođđa Sámi giellalága ollašuvvama Suomas. Čielggadeapmi válmmaštuvai mannan jagi loahpas ja lea dál almmuhuvvon measta 400-siidosaš girjin.
Čielggadeapmi árvvoštallá man veardde sámegielat bálvalusat leat fidnemis sámiid ruovttuguovllu gielddain, sámiid ruovttuguovllu stáhta eisseváldiin ja sámiid ruovttuguovllu olggobeale stáhta virgeeisseváldiin ja maiddái sámeorganisašuvnnain ja sámeservviin. Čielggadeapmi sisttisdoallá maiddái viiddis doaibmabidjoevttohusaid mo ollašuhttit lága buorebut.
Prentejuvvon čielggadeapmi lea fidnemis Sámedikki sámegiela doaimmahagas. Sámegielat oanádus lea lohkan láhkái sámedikki internet-siidduin (dokumenttat > čilgehusat), gos Selvitys Saamen kielilain toteutumisesta lea fidnemis pdf-fiilan. |
|
| Viimeksi päivitetty ( 19.08.2008 ) |