Sámedikki ságajođiheaddji Klemetti Näkkäläjärvi (Juvvá Lemet) atná lasseruhtadeami erenomáš buorre áššin. Lasseruhtadeapmi dahká vejolažžan joatkit loahppajagi doaimma normála vugiin. – Mu mielas lasseruhtadeapmi lea namalassii giittus sámediggái bures dahkkojuvvon barggus. Dát addá buriid vejolašvuođaid ovddidit doaimma ja joatkit produktiiva ovdduidgohcima.

Näkkäläjärvi lea erenomáš duđavaš dasa, ahte sámedikki dahkan lasseruhtadanohcamuš oaččui doarjaga badjel bellodatrájáid. –Erenomážit galgá giitit vuoigatvuođaministeriija ja Lappi riikkabeai’olbmuid. Sámedikki stáhtadoarjja gullá stáhta bušeahtas vuoigatvuođaministeriija váldoluohkkái.