Suoma sápmelaččain juo váldooassi orru sámiid ruovttuguovllu olggobealde, manáin juoba 70 %. Gillii laktáseaddji vuoigatvuođaid ollašuvvan maiddái oaivegávpotguovllus lea dehálaš. Veahádatsáttaolbmo 13.11. Helssegis almmuhan čielggadeami mielde bálvalusaid ollašuvvamis leat váilevuođat.

Sámegielat mánáin livččii lága mielde vuoigatvuohta sámegielat beaivedikšui olles riikkas. Helssegis ii goittotge leat opanassii sámegielat beaivedikšun. Guovllus orru sámi vánhemat atnet čielggadeami mielde dehálažžan dan, ahte sámegiella ja kultuvra sirdásit mánáide ja doivot sámegielat beaivedikšunfálaldaga. ”- Dili buorideamis dárbbašuvvojit johtilit ráđđádallamat oassebeliid gaskkas”, deattuha veahádatsáttaolmmoš.

Veahádatsáttaolbmo čielggadeamis buktojuvvojit ovdan maiddái váilevuođat skuvllaid sámegiela oahpahusas. Maiddái sámegielat vuoras olbmuid diliid galggašii čielggadit. Oaivegávpotguovllu sámit doivot maiddái iežaset saji dahje vistti, mii attášii vejolašvuođaid sámi kultuvrra bisuheapmái maiddái oaivegávpotdiliin.

Sámiide vuođđolágas dorvvastuvvon vuoigatvuohta sin iežaset gillii ja kultuvrii guoská olles riikii. Buot Suomas hubmojuvvon golbma sámegiela leat oalle unnit, muhto earenoamážit anáraš- ja nuortalašgielaid bisuheamis dárbbašuvvojit hohpolaš ja joatkkevaš doarjjadoaimmat. - ”Vuordin ii leat miige čovdosiid dán dilis”, gávnnaha veahádatsáttaolmmoš.

Supmii dárbbašuvvošii hohpoleamos lági mielde sámegiela revitaliserenprográmma, nugo sámedikki lea evttohan. Veahádatsáttaolbmo mielde sámegillii guoski doaibmabijut leat dál bieđgguid eaige leat doarvái gielaid boahttevuođa dorvvasteamis. ”- Suomas lea stuorra ovddasvástádus álgoálbmotgielaid bisuheamis ja sirdáseamis boahttevaš buolvvaide”, deattuha veahádatsáttaolmmoš.

Veahádatsáttaolbmo dutkamuša lágidii oassin sámegielat jearahallamiid vuođul Anne Länsman. Dutkamuš lea almmuhuvvon suoma- ja sámegillii ja lea diŋgomis čujuhusas Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.  dahje dan lea maiddái vejolaš printet interneahtas čujuhusas www.ofm.fi .