| Unna Junnį įlggii jagis 2007 |
|
|
|
Go min váhnemat ledje mánát, sis ii lean vejolašvuohta geahččat sámegielat mánáid TV Suoma bealde. Jurdda sámegielat mánáid TV-prográmmain bohciidii juo áigá dassá. Norggas mánáid sámegielat TV-sáddagat álge jagis 1991. Ruoŧas sámegielat mánáid TV MeahcceVulle álggahii jagis 1994.
Maiddái Suomas dahke álgagiid mánáid sámegielat TV-prográmmain juo 90-logus ee. Yleisradio hálddahusráđđái. Yleisradio vástidii goit dalle, ahte sámegielat mánáid prográmmaide ii lean várri iige sáddenáigi.
Jurdda sámegielat mánáidprográmmain elii goit sápmelaččaid mielas nanusin. Jagis 2005 NRK, SVT ja YLE álggahedje ráđđádallamiid oktasaš mánáidprográmmain. Yleisradio geassádii oktasašbarggus ovdal go prográmmat šadde duohtan. Jagi 2006 álggus NRK ja SVT álggaheigga oktasaš sámegielat mánáid TV-sáddagiid Norggas ja Ruoŧas.
Suoma beale sámemánát báhce ain ie˛asgielat prográmma haga. Dasa eai sámeváhnemat ja –mánát sáhttán duhtat, baicce ovddidišgohte ášši. Loahppajagi 2006 sii ordnejedje miellačájáhusa Helssegis, gosa čoahkkanedje máŋga logi máná oktan váhnemiiddisetguin. Seamma mátkkis deive maiddái Yleisradio hálddahusráđi lahtuid, riikkabeailahtuid ja Yleisradio hoavddaid.
Váhnemiid ja mánáid doaibma buvttii maid bohtosiid. Deaivvadeami maŋŋá hálddahusráđi lahtut čoahkkanedje ja mearridedje dikšut ášši. Sámemánát galge beassat geahččat TV-prográmmaid ie˛aset gillii. Ja nu dáhpáhuvaige. Vuosttas UnnaJunná oinnii beaivečuovgga čakčamánu 16. beaivve 2007. Prográmma dahkkojuvvui jagi 2010 loahpa rádjai ovttas SVT sámedoaimmahusain (SVT Sápmi).
Irene Länsman, Penu, Niillas Holmberg, Terhi Koivisto, Mihkku Laiti ja Ritva Torikka govveme Unna Junná Ohcejogas. Govva: Yle Sámi radio /Onneli Halonen
UnnaJunná dahkkojuvvo golmma gillii, davvisáme-, anáraš- ja nuortalašgillii. Ruoŧa bealde buvttaduvvon osiin lea gullon maid julev- ja lullisámegiella. UnnaJunná bargá ovttas Sámi Oahpahusguovddá˛a (www.sogsakk.fi) medialinjáin Anáris sihke sámeguovllu skuvllaiguin ja Sámedikki Skábma-filbmaguovddá˛iin.
UnnaJunná sáddejuvvo Suomas sotnabeaivve dmu 7.45 TV-2:s ja nuppádassii FST5-kanálas dmu 10.30. Jahkásaččat leat dahkkojuvvon 30 prográmma; 15 giđđa- ja 15 čakčabajis.Jagi 2011 álgogeahčen YLE Sámi radio ja SVT Sápmi álggiiga ráhkadit sierra mánáidprográmma. Dán beaivve YLE Sámi Radio buvttada Unna Junná mánáidprográmma ja dán beaivve Unna Junná dahkkojuvvo jahkásaččat 15 prográmma, mat čájehuvvojit giđđabajis. UnnaJunná prográmmajođiheaddjin álggaheigga čakčat 2007 Petra Magga ja Sofia Jannok. Sin lassin Unna Junná leat davvisámegillii jođihan maiddái Simon Issát Marainen, Maret Steinfjell, Per-Josef Idivuoma ja Oula Guttorm. Dán beaivve Unna Junná jođihit davvisámegillii Irene Länsman, Niillas Holmberg ja Anna Näkkäläjärvi, anárašgillii Heli Huovinen ja nuortalašgillii Anna-Katariina Feodoroff ja Leena Fofonoff.
|
|
| Viimeksi päivitetty ( 07.01.2014 ) |
