Binna Bánna mánáid radio |
Binna Bánna - mánáid radioprográmma gulaimet vuosttas geardde miessemánu 8. beaivve 2002. Sáddaga guhkkodat lea 30 minuhta ja Binna Bánna doaimmahuvvo golmma sámegillii. Das leat davvisáme-, anáraš - ja nuortalašgielat oasit, maid doaimmaheamis mánát leat aktiivvalaččat mielde. Prográmmas čuojahuvvo ollu sámegielat mánáid musihkka.
YLE Sámi radios leamašan mánáid prográmmat juo ovdal 2000-logu. 1980-logus sáddejuvvui skuvlaradio ja lávvardatiđidiid sáddejuvvon prográmmain ledje maid mánáide doaimmahuvvon oasit. Ovdal YLE Sámi radio buvttadan Binna Bánna -prográmmaid Norgga riikkaradio NRK buvttadan sámegielat mánáidprográmmat gullojedje maid Suomas.
Binna Bánna -prográmma gulat Yle Sápmi kanálas juohke vuossárgga dmu 14.35 ja nuppádassii gaskavahko dmu 10.00. Jos it sáhte guldalit Sámi radio sáddagiid, prográmmat leat gullamis vahku áigge interneahtta-čujuhusas: http://yle.fi/sapmi/
Govas Binna Bánna doaimmaheaddji Irene Länsman barggustis.
|
|
Viimeksi päivitetty ( 11.11.2013 ) |