| Lean Niillas Holmberg (2008) |
|
|
|
ja ellen 16 vuosttas jagi Ohcejogas, suomanieidda oaivečohkas, dasságo fárrejin Tamperei stuđerema gea˛il. O˛˛on báikki Tampere olggosbuktinmáhtu sierralogahagas (Tampereen ilmaisutaidon erityislukio), gos mu ulbmilin leamašan ovddidit musihka, girjjálašvuođa ja neavttadeami dáidduidan, vai sáhtášin nu bures go vejolaš doallat bajás ja ovddidit ie˛an kultuvrra. Fárren eret sámeguovllus mearkkašii dieđusge stuorra nuppástusa eallimasan. Stuorámus ášši fárremis lei goittot dat, ahte áddegohten buorebut, maid sápmelašvuohta munnje mearkkaša. Muhtumin ferte vuolgit guhkkelebbui, vai oaidná buorebut.
Dat geat leamašan muhtumin guhká eret ruovttus almmá bearraša ja máhccan dasto ruoktot, sáhttet buohtastahttit ie˛aset munnje, go mus jerrojuvvo, maid sápmelašvuohta munnje mearkkaša. Dat lea dovdu, man lea váttis govvidit. Gieskat válmmaštuvvan diktagirjjistan dat leamašan goit okta mu figgamušain. Oaivilin lea ahte girji almmustuvašii boahtte jagi bealde. Mun čálán davvisámegillii, ie˛an eatnigillii. Tamperes orodettiinan lea jámma dakkár dovdu go livččen eret nuppi máilmmis, gosa sáhttá álo báhtarit go lea heahti, ja mii dat dan buoret dovdu! Máŋgasiidda mu vuolgin Tamperei, sullii 1100 kilomehtera duohkái ruovttus, leamašan ga˛aldatmearka. Muhtumiid mielas lean dego hilgon máttuidan, báhtaran eret. Ášši lea goit nuppe ge˛iid. Sápmelašvuohta, Sápmi ja sámegiella leat beaivválaččat mu mielas. Lean vuolgán, vai sáhtán boahtit stuorábun ruovttoluotta, vai mu veahki addi giehta livččii stuorát.
Buohkanassii anán duođaid árvvus ie˛an sápmelašvuođa, inge heahpanatte dan. Ii galgga leat gáddálas, muhto ii leat boastut atnit árvvus dan, mii lea ja gosa gullá. Heahpanaddama mii leat mannan jahkečuođi áigge oaidnán áibbas nohkka. |
|
| Viimeksi päivitetty ( 24.07.2012 ) |
