Riegádan Čeavetjávrri nuortalašservošii 25.4.1984, dan jagi go dálkkádaga liegganeamis ii lean vel diehtuge. Mu vuosttas sániid lean háhpohallan nuortalašgillii, muhto go áhččán jámii de oahppan gaskkalduvai ja nuortalašgiela sadjái bođii suomagiella, álggahin nuortalašgiela stuđerema ođđasit vuođđoskuvllas.

Sápmelašvuohta munnje mearkkaša áhččán árbbi, man guottán váimmustan áššái gullevaš árvvolašvuođain. Mu ilolašvuohta, ealaskasvuohta ja siskkáldas dolla badjána iežan mielas mu nuortalaš ruohttasiin.

Lean jagi 2003 stuđeanta, man maŋŋá lean válmmaštuvvan maid áibba albma ámmáhii – koahkkan. Barggustan hálidan oažžut sámi biebmokultuvrras ođđa biekkaid bosodit, dasgo mus lea garra vuostemiella biđđosii. Hutkkan ođđa ráđiid, man figgamuššan lea beassat nu ollislaš návddašeapmái go vejolaš. Boahttevuođas hálidivččen oahpásmahttit sámiid medium bierggu smáhkkii ja ráhkadussii… Sihke čájehit ahte rušpi ii máli bilit! ;)

Ihtážis in dieđe, muhto hálidivččen seailluhit kultuvrra maid iežan vejolaš mánáide, vai sii ealášedje eallima rahpasut mielain; fikkašedje eallimis ovddosguvlui roahkkadabbot go mun ieš. Nuortalaš kultuvrra hástalussan oainnán kultuvrra imago ođasmahttima sihke beroštumi lasiheami dáid eahpesihkkaris mediaberoštahttivuođa áiggiid! Ieš lean ožžon dakkár gova ahte kultuvramet lea oassi historjjágirjjiid, ii ealli kultuvra dás ja dál. Hálidan ávžžuhit boarrásut mearrideaddjiid addit saji nuoraide, vai siige oččošedje eanet válddi mearridit. Doppe dat nuppástusat bohtet, nuorravuođa áŋgiris fámuin!