Sápmelašvuohta oidno eallimisttán lagamustá nu ahte geavahan sámegiela ságastallamiin ja čiŋadan sámebiktasiidda. Ii dat muđui várra oidnoge. Dieđusge dat mearkkaša munnje eanetge go dušše giela ja biktasiid. Lea munnje áinnas dehálaš maid ieš sápmelašvuohta. Dat lea dakkár vuoigatvuohta ja geatnegasvuohta. Orru muhtumin áŧestuhtti, go diehtá ahte olbmot vurdet mu báhcit Ohcejohkii hállat sámegiela, náitalit geainnanu somás sámealbmáin ja riegádahttit sámemánáid. Dasto jos in dagage nu, lean monu fuones olmmoš. Inhan mun ieš oppa dieđe, maid eallimis hálidan. Kánske mun ollašuhtán gili sávaldaga. Sáhtášinhan mun iežan deike govahallat