| Anįra badjeskuvlla ´Beaivvi įhkubat´ ovddastit sįmenuoraid |
|
|
|
Anára badjeskuvlla teáhterjoavku Beaivvi áhkubat vuolgá ovddastit sámenuoraid riikka dási Nuorra Kultuvra –dáhpáhussii Lappeenranta-gávpogii miessemánus. Joavku lei hui ivdnái čehpet ráhkaduvvon biktasiiguin. Joavkku nuorat vázzet 8.-9. luohkáid. Teáhterbihtá namma lea Beaivvi bártni soagŋomátki ja dan lea bagadallan Petra Biret Magga.
Čuovvovaš teáhterbihtát maid o˛˛o bálkkašumi sámenuoraid dáiddadáhpáhusas: - Gáregasnjárgga skuvlla sámeluohkáid (1-6) Áilegas nuorat –joavkku bihttá Bihcabáhcatmeahcis, mas dehálaš temán lei luonddu nuoskkideapmi. Bihtá lei bagadallan Maarit K. Pieski. - Gárasavvona skuvlla Buoidagat –jaovkku bihttá Gos boagán, gos liidni ?, mas dehálaš ga˛aldahkan ledje olbmuid gaskasaš oktavuođat, rehálašvuohta ja ándagassii addojupmi. Bihtá lei bagadallan Anna-Reetta Niemelä. - Eanodaga badjeskuvlla Gollegielagat –joavkku bihttá Gollegiella – sámegiella ?!?, mas gieđahallojuvvui sámegiela sadji ja atnu bálvalusain. Bihtá leigga bagadallan Anne-Mari Kukkonen ja Berit-Ellen Juuso.
Dáiddadáhpáhusas bálkkašuvvojedje maiddái - Čeavetjávrri skuvlla filbmajoavku, mii lei ráhkadan oanehisfilmma nuortalašgielat Idols-gilvvus ja - anárašgielat joavku, mas leat oahppit 0-1-luohkáin, oaččui bálkkašumi čeahpes anárašgielat animašuvdnafilmmaid ovddas. |
|
| Viimeksi päivitetty ( 02.04.2009 ) |
Beaivvi áhkubat –joavkku bihttá lea musihkkáteáhter ja das leat mielde Sunna Valkeapää, Anniina Kitti, Gabriela Satokangas, Rauna Saijets, Maria Saijets, Inger-Elle Suoninen, Mari Guttorm ja Sunna Nousuniemi. Joavku válljejuvvui sámenuoraid ovddasteaddjin riikka dási dáhpáhussii Vuohčus 26.3. ordnejuvvon sámenuoraid dáiddadáhpáhusas. Dáhpáhusa duopmárin barggaiga neavttár- journalista Irene Länsman ja teáhterbarggu stuđeanta Heli Huovinen.