| Sámedikki ságadoalli doallá ovtta mánotbaji virgefriija |
|
|
|
Sámedikki ságadoalli Klemetti Näkkäläjärvi, Juvvá Lemet, doallá ovtta mánotbaji virgefriija 11.5.-10.6. Näkkäläjärvi bargá ovtta mánu dutkin Oulu universiteahtas válmmaštallamin kulturantropologiija suorgái gulli nákkosgirjji.
Virgefriija mieđihii sámedikki stivra čoahkkimistis 30.4. Ságadoalli sadjásažžan bargá sámedikki vuosttaš várreságadoalli Irja Seurujärvi-Kari.
Stivra dohkkehii maid sámedikki ruhtadoalu jagis 2008. Ruhtadoalu loahpaheamis lei loahpa loahpas, garra seastimiid ja beaktilis doaimmaid dihtii sullii 12.000 euro badjelbáza. Stivra gávnnahii maid duhtavažžan sámedikki doaimmaid lassáneami, mii boahtá ovdan doaibmamuitalusas. Cealkámušat, evttohusat ja álgagat dahkkojuvvojedje sullii 30% eanet go ovddit jagiin. |
|
| Viimeksi päivitetty ( 30.04.2009 ) |