Eamiálbmogiid musihkkafestivála Ijahis idja lágiduvvo Anáris dál guđat geardde. Dán jahkásaš eamiálbmotguossi lea “Aurora Borealis” -ensemble. Joavkkus leat mielde máŋggat Ruošša eamiálbmogiid ovddasteaddjit, omd. tsuktsit, jakutat ja evenit. Joavku boahtá Pietaris, Davvi álbmogiid instituhttas, mii lea earenomažit spesialiseren dutkat davviguovlluid eamiálbmogiid kultuvrraid ja gielaid.

Aurora Borealis-ensemble prográmma ráhkkasa Davvi-Sibirija eamiálbmogiid dánssain, instrumentála- ja vokálamusihkkas sihke rituálain mat laktásit earálágan seremoniaide. Joavku geavaha čájáhusain olu árbevirolaš instrumeanttaid nu mot earálágan časkinčuojánasaid ja njurgganasaid. Aurora Borealisa máŋggabealat prográmma sáhttá oaidnit Ijahis ija konsearttain ja bárgobájiin. Ijahis ija áigge lea maid vejolaš oažžut joavkkus oahppu Sibirija eamiálbmogiid árbevirolaš dánssaid birra.

Ijahis idja lágiduvvo Anáris 21.-22.8.2009. Aurora Borealis joavkku lassin Ijahis ija áigge gullo sihke árbevirolaš ja ođđa sámemusihkka. Lávvardaga 22.8. lágiduvvo Ijahis ija konsearta mii lea maid festivála váldodáhpáhus. Lassin prográmmas leat mánáid ja nuoraid musihkkabárgobájit, nuoraid konsearta ja musihkkaseminára man teman lea “Sámiid ja eará eamiálbmogiid musihkka globališuvnna deattu vuolde”.

Ain lea ijahis idja!

http://www.ijahisidja.fi

http://www.auroraborealistheatre.org

Lassedieđut: Anna Näkkäläjärvi tlf. +358 40 840 0383, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Lágideaddjit: Anára Sámisearvi ro, Sámediggi, Sámi oahpahusguovddaš SOGSAKK, Sámemusea Siida, Anára gielda