Sámis issoras bivnnut Somby-joavkku konseartageassi leamašan hohppui ja dat joatkašuvvage vel Ijahis ija musihkkafestivála váldokonsearttas. Somby vuittii Guovdageainnu beassášmárkaniin Sámi Grand Prix 2009- lávlungilvvu. Vuoittu maŋŋel Somby lea johtán geasi áigge juohke vahkkoloahpa Suoma, maiddái Norgga ja Ruoŧa sámefestiválain, ee. Somby lei váldojoavkun Márkomeannu-festiválain Evenášis.

Ijahis idja festivála lea dego ruoktofestivála Sombyi, danin go joavku lea leamašan mielde festivalas sin carriera álggu rájes. Joavku lea eret Vuohčus. Somby-joavkkus leat mielde Miira Suomi - voc, Milla Pulska - key board, Oula Guttorm - gitárra, Juho Kiviniemi - bássa ja Unna-Maari Pulska-trumbbut. Somby konseartageassi joatkašuvva nappo lávvardat eahkeda Ijahis ijas. Festivála dán jahkásaš slogan “Ain lea ijahis idja!” heivege bures Sombyi danin go, joavku lea sámelávddiin násti mii čuovggada birrasa. Somby lea válmmaštallamin vuosttas ollesguhkkosaš skearru ja lea vuordimassii, ahte dat livčče válmmaš dán čávčča áigge.

Ijahis idja lágiduvvo guđat geardde Anáris 21.-22.8.2009. Festivála áigge gullat sámemusihkka, sihke árbevirolaš ja ođđasot sámemusihkka ja festiválii servet maiddái eamiálbmotguossit. Guossit bohtet Ruoššas Davviálbmogiid instituhttas. Sis leat dánsun- ja musihkkačájáhusat, mat leat duođái alladássásaččat. Festivála váldodáhpáhusa, ijahis ija konseartta, lassin leat earáge dáhpáhusat. Lávvardaga lágiduvvo maiddái musihkkaseminára ja bearjadaga lea mánáid ja nuoraid beaivi. Dárkkilat dieđut prográmmas gávdnojit interneahttasiidduin www.ijahisidja.fi. Somby lassin festivála lávddi ala guldaleaddjiid bohtet guoimmuhit ee. Mollet (SE), Ulla Pirttijärvi & Band, Juoigiid Searvi (NO), ja Niillas Holmberg & Roope Mäenpää. Bures boahtin!

Ijahis idja-preassadilalašvuohta lávvardaga 22.8.09 diibmu 17-18 Sámi oahpahusguovddažis Anáris. Báikin alde eahkeda artisttat. Bures boahtin.

Lassedieđut: Anna Näkkäläjärvi p. 040 840 0383, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Lágideaddjit: Anára Sámisearvi ro, Sámediggi, Sámi oahpahusguovddaš SOGSAKK, SIIDA/Sámemusea, Anára gielda