| Nuortalašgiela skuvlagiellaoahppa almmustuvai |
|
|
|
Vuosttaš nuortalašgiela skuvlagiellaoahppa almmuhuvvui Čeavetjávrris lávvardaga 29.8. dollojuvvon ávvudoaluid oktavuođas. Giellaoahppagirjji leat lágidan Satu ja Jouni Moshnikoff ja Eino Koponen. Giellaoahpa ulbmilin lea stáđasmahttit giela čálálaš geavaheami ja áddit skuvllaide veahkkeneavvuid girjegiela njuolggadusaid oahppamii. Dahkkit maid sávvet, ahte girji veahkkehivččii rávesolbmuid sin iežaset eatnigiela girjjálaš máhtus ja livččii veahkkin daidda, geat hálidit oahppat eatnigielaset ruovttoluotta dahje oahppat nuortalašgiela ođđa giellan.
Nuortalašgiella leamašan dušše hubmojuvvon giella jagi 1972 rádjái. Dalle almmustuvai vuosttaš áppes Aabbâs säämas ja nuortalašgiela rávagirji ´Koltansaamen opas´, mas giela ortografia dahje čállinvuohki ovdanbuktojuvvui. Čállinvuohki lea ovddiduvvon dálá hápmái Čeavetjávrri skuvllas. Máŋggat sohkabuolvvat leat dan oahppan, muhto rávesolbmuid lohkan- ja čállinmáhttu dárbbaša ain doarjaga. Rávesolbmot leatge giellaoahppagirjji oktan čuozáhatjoavkun.
Nuortalašgiela giellaoahppa ovdanbuktá áššiid oanehaš njuolggadusaiguin ja valjis ovdamearkkaiguin. Girjji lea lágidan golmma olbmo bargojoavku, mas árbevirolaš giellamáhtu lea ovddastan Jouni Moshnikoff, oahpahussuorggi Satu Moshnikoff ja gielladiehtaga Eino Koponen.
Sámegiela davviriikkalaš lávdegoddi, Suoma sámediggi ja Ruovttueatnangielaid dutkanguovddáš leat ruhtadan prošeavtta. Girjji lea vejolaš diŋgot sámedikki skuvlen- ja oahppamateriáladoaimmahagas ja dat lea fidnemis ee. Sámi duodji -buvddain. Lassedieđut. |
|
| Viimeksi päivitetty ( 01.09.2009 ) |