Nellima vuovderiidduid soabadeapmi |
![]() |
![]() |
Sámedikki stivra merkii čoahkkimisttis 27.8.2009 iluin diehtun Meahcceráđđehusa ja Paadara vieljažiid soahpamuša, mii guoská bohccuid guohtoneatnamiid ráfáidahttima vuovdedoalus 20 jahkái ja buot váidagiid ruovttoluotta geassima buot duopmostuoluin.
Riidu Nellima eatnamiid geavaheamis lea čuohcán Suoma buorrebeaggimii máilmmis ja boktán ságastallama Ovttastuvvon Našuvnnaid sierra orgánain. Lea dehálaš ahte áššis soabaduvvui ráđđádallamiiguin. Sámediggi giitá sihke Paadara vieljažiid ja Meahcceráđđehusa válmmašvuođas ráđđádallamiidda ja hálus soabadit riiddu. Mearrádus čájeha ahte ráđđádallamiiguin sáhttá oktii heivehit sámi boazodoalu ja vuovde-doalu intreassaid seamma guovllus.
Sámediggi sávvá, ahte Eana- ja meahccedoalloministeriija addá dás ovddosguvluige Meahcceráđđehussii návccaid soabadit vuovderiidduid ja Meahcceráđđehusa vuoitomihttomearis sámiid ruovttuguovllus luhppojuvvošii. Meahcceráđđehusa, Nuortalašráđi ja Sámedikki ráđđádallan oktasaševttohus PEFC – vuovdesertifierenkriteran sámekultuvrra ja sámeealáhusaid dorvvasteami várás boahtá caggat ođđa soahpameahttunvuođaid guovlluid eanageavaheamis.
Lassedieđut: Sámedikki ságajođiheaddji Klemetti Näkkäläjärvi |
|
Viimeksi päivitetty ( 02.09.2009 ) |