Čállingilvu sámemánáide ja – nuoraide |
Sámi mánáidkulturguovddáš ja Nuoraidlávdegoddi-prošeakta almmuhit čállingilvvu sámemánáide ja – nuoraide. Fáddán gilvvus lea Mu Sápmi j. 2030. Čálus sáhttá leat jurdda, sávaldat dahje ulbmil das, man dilis sámit ellet ja leat badjel guovttelogi jagi geahčen. Maid sápmelaččat barget ja makkár máilmmis sámit ellet j. 2030?
Čállingilvui sáhttet oassálastit 10–29- jahkásaš sámenuorat, geat eai leat almmustahttán čáppagirjjálašvuođa girjji dahje iežasgoasttádussan girjji. Gilvui sáhttá oassálastit eanemustá 4 siiddu teavsttain, muhto gilvoteavsttat sáhttet leat oanehutge. Čállosiid stiila lea friija ja giellan sáhttet leat sáme- ja suomagielat.
Čállingilvvus leat golbma luohká. Gilvvohalli luohkká mearrašuvvá agi mielde. Luohkáid buoremusat bálkkašuvvojit Sámedikki Nuoraidlávdegoddi-prošeavtta lágidan Sámenuoraid konfereanssas golggotmánu 16. beaivve 2009 Suoločielggis. Konfereanssas buktojuvvojit lassin ovdan čállingilvvu čállosat. Duopmárin čállingilvvus leat Rauna Paadar-Leivo ja Mikkal Morottaja.
Gilvoluohkát: 1. 10–13-jahkásaččat 2. 13–18-jahkásaččat 3. 18–29-jahkásaččat
Čállosat eai máhcahuvvo, muhto dat seailluhuvvojit Sámedikki arkiivvas. Sámi mánáidkulturguovddáža ulbmilin lea doaimmahit prentosa čállingilvvu teavsttain j. 2010 áigge. Girjji govaid várás čállosiidda sáhttá laktit maiddái fáddái heivvolaš čuovgagovaid dahje tevnnegiid. Gilvui oassálastit sáhttet deavdit mielčuovvu lobi čállosiid almmustahttima várás. Vuollái 18- jahkásaččat galget bivdit fuolaheaddji miehtama.
Čállosiid, maidda merkejuvvojit čálli namma, ahki ja oktavuohtadieđut, galgá doaimmahit maŋimustá golggotmánu 2. beaivve 2009 rádjai.
Gilvobarggut sáddejuvvojit čujuhussii: Nuoraidlávdegoddi-fidnu/Sámediggi Angelintie 696 99800 ANÁR
Lassidieđut:
Mánáidkulturguovddáš Nuoraidlávdegoddi-fidnu Doaibmajođiheaddji Petra Biret Magga Prošeaktabargi Anne Länsman petra.magga(at)samediggi.fi anne.lansman(at)samediggi.fi 010 83 93 110 010 83 93 134 |
|
Viimeksi päivitetty ( 10.09.2009 ) |