Nuoraid konfereanssas leat ovdan áigeguovdilis sáhkavuorut |
![]() |
![]() |
Sámedikki lágidan sámenuoraid konfereanssas golggotmánu 16.–17. beaivve leat ovdan áigeguovdilis sáhkavuorut. Konfereanssa boahtá rahpat kultur- ja valástallanministtar Stefan Wallin.
Lassin nuoraidpolitihkalaš áššebáhpáriid dálá dilis boahtá muitalit oahpahusministeriija nuoraidovttadaga hoavda Olli Saarela. Sámenuoraid vuoigatvuođain sáhkavuoru doallá mánáidáittardeaddji Maria Kaisa Aula. Sámedikki dearvvahussániid konfereanssas cealká Sámedikki ságajođiheaddji Klemetti Näkkäläjärvi.
Sáhkavuoruid sámenuoraid váikkuhanvejolašvuođain ja dilis dollet Lars Miguel Utsi Riikkaidgaskasaš Barents čállingottis ja Anne Kirste Aikio Suoma sámenuoraid searvvis. Pánelságastallan, mii lágiduvvo beaivvi áigge, rahpá vejolašvuođa jurdagiid bokti ságastallamii. Loahppasáhkavuoru doallá Sámedikki nuoramus lahttu Tuomas Aslak Juuso.
Almmuheapmi konferensii nohká bearjadaga golggotmánu 2. beaivve.
Lassidieđut: Prošeaktabargi Anne Länsman, anne.lansman(at)samediggi.fi, 010 83 93 134 |
|
Viimeksi päivitetty ( 23.09.2009 ) |