Diibmá mánáidkulturguovddáš ordnii sámi gielddaid sámi beaiveruovttuide gietkamiid ja dipma stoahkan-sámi elliid. Dán jági sámegielat beaiveruovttuide skáhppojuvvojit ođđa duhkorasat, mat leat plánejuvvon ja ráhkaduvvon Johkamohkis, Ruoŧas. “Miessi” - duhkorasat leat muoras ráhkaduvvon, main beljiid sáhtta merket ja molsut, vai miessi sáhttá merkejuvvot ain ođđasit. “Miesit” heivejit hui bures bealljemearkkaid sániid hárjehallamii, niibbi gieđahallamii ja daid sáhttá maiddái njoarostit. Duhkorasaid idea lea vuođđuduvvon sámi bargguide ja kultuvrii. Árbevirolaš boazoduhkorasat leat fas ožžon ođđa, hutkálas hámi!

Rákkas lea árbevirolaš suodji čuoikkaid vuostá, muhto maiddái dego liigelatnja. Rákkas áddá ráfálaš beaiveoađđinbottu beaivedivššu nuoramusaide dahje suohtas stoahkanbáikki. Sámi mánáidkulturguovddaš doarju máná stoahkankultuvrra ja lasiha dainnalágiin sámegiela lunddolaš geavaheami.

Lássedieđut: doaibmajođiheaddji Petra B. Magga-Vars tel. 040-732 5503

Govas: Sámi giellabeasi jođiheaddji Katja Magga, Mitro Hetta ja Johanna Kumpula Vuohču sámi giellabeasserieggás.

Govven Inga-Briitta Magga