Sámedikki kulturlávdegoddi bálkkaša SomBy-joavkku. Kulturlávdegoddi gávnnaha, ahte joavku duvdá musihkain kreatiivva sámekultuvrra. Lassin ánssášuvvon fuopmášumiin joavku lea ovddidan sámegiela ja dan dovdama. Joavku doaibmá lassin movttiidahtti ovdamearkan eará sámenuoraide. Dán jagi kulturlávdegoddi háliida addit dovddastusa erenomážit nuorra sápmelaš musihkkariidda.

SomBy-joavku čohkiida čeahpes musihkkariin, geat ovddidit sápmelaš nuoraidkultuvrra. Dálá čoahkkáibijuin bändi lea čuojahan skábmamánus 2007 rájes. Joavkkus loaiddastit Miira Suomi – lávlun, Milla Pulska – guoskkahančuojanasat, Oula Guttorm – gitárra, Juho Kiviniemi – bássa ja Unna-Maari Pulska – trumbbut.

Joavkku nuorat duođaštit ovdamearkkain, ahte musihka ráhkadeapmi ja sámekultuvrra ovddideapmi leat vejolaččat joavkku nuoraid guhkes mátkkiin fuolakeahttá. Milla studere musihka Roavvenjárggas, Miira lea logahagas Soađegilis ja Unna-Maari studere Oulu musihkkalogahagas. Oula ássá Anáris ja Juho Avvilis, guktot vázziba Avvila logahaga.

Bändi dagai skearruráhkadansoahpamuša Tuupa Records Oy:in guovvamánus 2008 ja EP "Čáhppes Lasttat" almmustuvai 24.5. Joavku joatká sámegielat musihka buvttadeami, ja ođđa skearru lea jo barggu vuolde. Čoahkkáibidju lea maiddái ovdal ožžon dovddastusa, dasgo dat lei jagi 2009 Sámi Grand Prix vuoiti. Gilvvu bálkkašupmi luohpaduvvui Guovdageainnus, Norggas. Lassin joavku lea bargan máŋggaid čuojahanmátkkiid birra Davviriikkaid.

Sámedikki kulturlávdegoddi lea jagi 2009 geassemánus addán maiddái nuppi dovddastusa. Kulturdovddastus addui Helena Valkeapääi ja Anni-Marja Valkeapääi guhkálaš sámegielat kirkolaš musihkkabarggus. Dovddastus geigejuvvui sámi ekumenalaš kirkobeivviid oktavuođas Anáris.

Sámediggi bálkkaša jagi 2009 kulturdagus SomBy-joavkku lahtuid:

Miira Suomi

Milla Pulska

Oula Guttorm

Juho Kiviniemi

Unna-Maari Pulska