Sámekulturguovddáža restauráŋŋadoalli válljejuvvon PDF Tulosta
Anára kirkosiidii j. 2012 válmmaštuvvi Sámekulturguovddáža restauráŋŋadoallin lea válljejuvvon njellimlaš Jouko Lappalainen. Sámediggi lágidii gilvvu restauráŋŋa láigosoahpamušas geassit 2009 ja áigemeari rádjai bođii okta fálaldat.

 

mari & jouko_web.jpg

 Mari ja Jouko Lappalainen

Jouko Lappalainen lea bargan hotealla ja restauráŋŋasuorggis jagis 1991 ja fitnodatdoallin Erähotelli Nellimis jagi 2004 rájes. Lappalainen ii leat sirdáseamen eret Njellimis muhto viiddideamen doaimma maiddái Anára kirkosiidii ovttas eamidiin Mariin.

 

Sámekulturguovddážii bohtet doaibmalanjat sámekultuvrra doaimmaide, Sámedikki hálddahussii ja maiddái sámi oahpahus- ja dutkandoibmii. Vistti dehalaš doaibmasajit leat oktasašlanjat: loaiddastan ja máŋggadoaibmalanjat, girjerádju ja restauráŋŋa, mat sajuštuvvet máŋggadoaibma- ja bálvalanfeaskára birra. Dát lanjat leat dábálaš, sierra ahkásaš sámiid deaivvadanbáikkit, sámegiela ealli geavaheami ja sosiálalaš oktavuođaid čatnanbáikkit. Oktasašlanjaid geavaheapmi lea vistti buot doaimmaid dehalaš oassi.

 

Sámekulturguovddáža hukseha ja oamasta Senaatti-giddodagat ja dan viidodat lea sullii 4 800 brm2. Huksenfidnu goasttádusárvu lea sullii 12 miljovnna euro. Lappi leanaráđđehus lea mieđihan fidnui 5 milj. euro EU-ruhtadeami. Kulturguovddáža ollašuhttinplána lea dál jođus ja huksen álgá giđđat 2010. Sámekulturguovddáža lea mearri álgit doaibmat j. 2012.

 

Sámekulturguovddáža váldoláigolažžan boahtá doaibmat Sámediggi ja dan vásttus lea kulturguovddáža lanjaid geavaheami koordineren ja viidásabbot láigoheapmi eará doaibmiide. Eará láigolaččat leat Sámi oahpahusguovddáš, Anára gieldda girjerádju, Sámi Duodji rs, SámiSoster rs ja Lappi guovlohálddahuskantuvra ja maiddái Sámearkiiva, mii vuođđuduvvo. Lassin guovddážii bohtet oktasašlanjat, nugo auditorio ja máŋggadoaibma- ja bálvalanlanjat.

 

Lassidieđut:

Hálddahushoavda Juha Guttorm t. 0400-142 518 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Fitnodatdoalli Jouko Lappalainen t. 0400-415 989 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Viimeksi päivitetty ( 30.10.2009 )
 
‹‹Takaisin