Skábma-fierpmáiduvvandáhpáhus ovddida sápmelaš filmma |
![]() |
![]() |
Eamiálbmogiid filbmaguovddáš Skábma ja Filmikaari-fitnu bovdejit sápmelaš ja sámi guovllus doaib-mi filbmadahkkiid ja davviriikkálaš buvttadanfitnodagaid fierpmáiduvvat Anárii. Guovttebeaivásaš Skábma-fierpmáiduvvandáhpáhus lágiduvvo Anáris Skábmagovat-filbmafestiválaid áigge 29.–30.1.2010.
Fierpmáiduvvandáhpáhusa dárkkuhussan lea buktit davviriikkalaš buvttadanfitnodagaid lagabuidda sápmelaš filbmadahkkiid. Suoma, Norgga ja Ruoŧa sámeguovllus gávdnojit máŋggat bagadallit ja maiddái miellagiddevaš dokumeanta- ja čájálmasfilbmaideat, main sállošahtti uhcánaš mearri beassá buvttadeapmái ja álbmotlaš čájehemiide. Dáhpáhusa dárkkuhussan lea ovddidit ámmátlaš filbmaráhkadeami, oahpásmahttit buvttadeaddjiid, suorggi ámmátolbmuid ja dahkkiid nuppiide ja lávdadit sápmelaš filmma. Dáhpáhussii oassálastet tutorin bagadalli Nils Gaup ja Filmikaari-fidnu prošeaktahoavda Anne Laurila. Fierpmáiduvvandáhpáhus lágiduvvo Hotealla Kultahovis. Dáhpáhus lea nuvttá buot oassálastiide. Dáhpáhus álgá bearjadaga diibmu 10 ja nohká lávvardar-eahkedis.
Skábma-fierpmáiduvvandáhpáhus lea Skábmagovat-filbmafestiválaid oassi, mat lágiduvvojit Anáris, Suoma sámefilmma guovddážis, 29.–31.1.2010. Stuorámus oassi guovdalas skábmaáigái stellejuvvon festiváladáhpáhusain dollo Sámemusea Siidda doaibmabáikkiin Anára kirkosiiddas. Dáhpáhusvahku-loahpa fálaldahkii gullet valjis eamiálbmogiid filmmat. Kulturvásáhusat leat fállun maiddái filbmateáhtera olggobealde, dasgo festiválaáigge lávdin doaibmá maiddái jieŋas ja muohttagis ráhkaduvvon Guovssahasteáhter, gos galbmaseamos vásáhusat leat ellon -40 buolašgráđas.
Skábmagovat-filbmafestiválaidda oassálastet sápmelaš filbmadahkkiid lassin olu báikkálaš ja eará guovllos boahtán olbmot ja maiddái eará eamiálbmogiid filbmadahkkit.
Almmuheapmi Skábma-fierpmáiduvvandáhpáhussii Ville Pasoi 31.12.2009 rádjai.
Lassidieđut ášši birra:
Ville Paso Eamiálbmogiid filbmaguovddáš Skábma dáhpáhuskoordináhtor šleađgapoasta: Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. telefon: 00 358 44 525 59 49
Suvi West Eamiálbmogiid filbmaguovddáš Skábma jođiheaddji, šleađgapoasta: Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. telefon: 00 358 40 187 99 09 |
|
Viimeksi päivitetty ( 07.12.2009 ) |