Sámemusihkkaguovddáš |
![]() |
![]() |
Sámemusihkkaguovddáš lea Sámedikki vuollásaš guovddáš, mii ovddida máŋggaláhkai sámemusihka sierra osiid. Guovddážis bargá mearreáigásaččat okta bargi.
Visio: Sámemusihkkaguovddáš doarju árbevirolaš sámi vokálamusihkkastiillaid (luohti, leudd´ ja livđe) seailuma ja viidásabbot ovdáneami, lágida ealli ja ovdáneaddji sámemusihka oahpahusa, fállá rámaid sámemusihka buvttadeapmái, ovddida sámi musihkkačehppodaga, bajida sámemusihka imago ja dan bokte lasiha beroštumi sámemusihkkai.
Sámemusihkkaguovddáža deháleamos doaimmat leat juoiganoahpahusa lágideapmi sámeguovllu skuvllaide. Oahpaheaddjin geavahuvvojit árbedovdit, geat máhttet juoiganárbbi. Bargu lea áidnalunddot ja dainna geahččaluvvo sihkkarastot árbevirolaš sámi vokálamusihkkastiillaid seailun ja viidásabbot ovdáneapmi. Lassin sámemusihkkaguovddáš doarju maiddái ođđa sámemusihka oahpahusa ja lágida oahpaheaddjiid skuvlema sámemusihkas. Ijahisidja lea Anáris lágiduvvon eamiálbmogiid musihkkadáhpáhus. Sámemusihkkaguovddáš lea guovddáš rollas dáhpáhusa lágideamis.
Tuvalaš čottalávlu Igor Koshkendei loaiddastii sámemánáide borgemánus 2011 Anáris.
Sámemusihkkaguovddáš lea Sámekulturguovddáš Sajosa aktiivvalaš doaibmi. Sajos fállá fiinna birrasa Sámemusihkkaguovddáža doaimmaide. Sámemusihkkaguovddáš lágida Sajosis konsearttaid ja eará musihkkadáhpáhusaid.
Sámemusihkkaguovddáža doaimma ruhtada Oahpahusministeriija.
Ijahisidja–eamiálbmogiid musihkkadáhpáhus: www.ijahisidja.fi Sámekulturguovddáš Sajos: www.sajos.fi |
|
Viimeksi päivitetty ( 25.06.2012 ) |