Sámediggi ordne ođđa nammagilvvu, man dárkkuhussan lea gávdnat Sámi kulturguovddážii, mii válmmaštuvvá Anára kirkosiidii jagi 2012, dan oaivila ja doaimma govvideaddji nama. Gilvoáigi lea 18.1. – 17.3.2010. 

Gilvvu čoavdá 10-lahttosaš bálkkašanlávdegoddi, masa gullá okta ovddasteaddji kulturguovddáža juohke geavaheaddjiorganisašuvnnas (oktiibuot 8 ovddasteaddji) ja maiddái ovddasteaddjit Senaatti-giddodagain ja kulturguovddáža arkiteaktagilvvu vuoitán plánejeaddjijoavkkus. Lávdegoddi lea nammadan gaskavuođastis 4- lahttosaš bargolávdegotti árvvoštallat boahtán nammaevttohusaid ja maiddái válmmaštallat bálkkašanlávdegoddái evttohusa gilvvu vuoitievttohasain.

Nammagilvu lágiduvvui vuosttas háve golggotmánus 2009, dalle mearreáiggis boahtán ja bálkkašanlávdegotti čoahkkimis 10.12.2009 gieđahallamii ja árvvoštallamii dohkkehuvvon nammaevttohusat ledje oktiibuot 69 stuhka. Bálkkašanlávdegoddi guđii rabakeahttá guhtta maŋŋonan dahje muđui njuolggadusaid vuostásaččat doaimmahuvvon evttohuskonfeluhta.

Nammagilvvuin ohccojuvvui Sámi kulturguovddážii oanehis, deaivilis, milliibáhcci ja erenomáš sámegielat namma, mii govvida kulturguovddáža kultuvrralaš dárkkuhusa ja mearkkašumi, sápmelaš iešvuođalági, viiddis ja máŋggabealat doaimma ja maiddái dan arkitektuvrralaš hápmegiela.

Bálkkašanlávdegoddi čoahkkanii Avvilis 13.1.2010 gieđahallat nammagilvui válljejuvvon bargolávdegotti evttohusa nammaevttohusain ja ođđa, dárkkistuvvon gilvonjuolggadusaid. Bálkkašanlávdegoddi lei seamma oaivilis bargolávdegottiin das, ahte árvvoštallot dohkkehuvvon nammaevttohusaid joavkkus ii gávdno oktage gilvvu njuolggadusain dárkkuhuvvon gáibádusaid deavdi evttohus. Nuba bálkkašanlávdegoddi mearridii evttohit bargolávdegotti evttohusa mielde, ahte Sámediggi lágida ođđa, bálkkašanlávdegotti dohkkehan njuolggadusaid mielde nammagilvvu 18.1.2010 – 17.3.2010. Gilvoáigi lea guokte mánotbaji. Ođđa gilvvus váldojit vuhtii almmá sierra gáibádusa bálkkašanlávdegotti 10.12.2009 hilgon evttohusat.

Ođđa gilvvu njuolggadusat ja maiddái vuosttas nammagilvui boahtán dohkkehuvvon evttohusat gávdnojit Sámi kulturguovddáža ruoktosiidduin www.samediggi.fi/skk

Lassidieđuid addá Sámedikki hálddahushoavda ja bálkkašanlávdegotti čálli Juha Guttorm t. 0400–142 518, bálkkašanlávdegotti ságajođiheaddji Janne Näkkäläjärvi t. 040-7599 427ja maiddái bálkkašanlávdegotti várreságajođiheaddji Eija Leivo t. 040–8304 886