Sámi parlamentárala ráđi jođiheapmi Suoma sámediggái |
![]() |
![]() |
Sámi parlamentáralaš ráđi jođiheapmi sirdása Suoma sámediggái cuoŋománus. Jođihanbadji álggahuvvo parlamentáralaš ráđi almmolaš čoahkkimiin Roavvenjárggas. Čoahkkimii oassálastá maiddái ON álgoálbmotraportevra James Anaya, gii gullá parlamentáralaš ráđi, sámi servviid ja stáhtaid álgoálbmotpolitihka birra. Sámedikki ságajođiheaddji Juvvá Lemet, Klemetti Näkkäläjärvi, muitalii sámepolitihka áigeguovdilis áššiin sámedikki dievasčoahkkimii Heahtás 11.3. – Sámedikkit raporterejit Anayai maiddái iešráđđenvuoigatvuođa ollašuvvamis ieaset ruovtturiikkain, muitalii Näkkäläjärvi.
- Sámi parlamentáralaš ráđđi lea nannen ovttasbarggus dálkádatpolitihkalaš gáaldagain, muitalii Näkkäläjärvi. – Sámi dálkádatpolitihkalaš strategiija válmmaštallan lea álggahuvvon ja parlamentáralaš ráđi stivra evttoha ráđi čoahkkimii strategiijas mearrideami. Köpenhammana dálkádatráđđadallamiin eai oon áigái riikkaidgaskasaččat čatni soahpamuša ja ášši sirdása Meksiko dálkádatčoahkkimii, mii dollojuvvo boahtte juovlamánus. Buot golbma sámedikki oassálaste Köpenhammana čoahkkimii.
Sámiid riektesajádaga ovddideapmi
Davviriikkalaš sámesoahpamuša ollašuhttimii gulli ráđđádallamiin ja ráđđádallamiid álggaheamis mearriduvvo čuovvovaš sámepresideanttaid ja –ministtariid oktasaš čoahkkimis miessemánus. Sámedikki stivra lea ráđđádallan ieas ráđđadallansajádaga buorideamis mannan čavčča rájes. – Stivra mearridii vuolgit joatkkaráđđádallamiidda stáhta delegašuvnna oassin ja oaččui dakkár rámmaeavttuid, maid mielde soahpámuš ii ratifiserejuvvo Suomas, jos sámediggi ii dan dohkket, muitalii Näkkäläjärvi.
- Sámediggái dorvvastuvvojit áššedovderesurssat soahpámuša ollašuhttinbarggus ja vejolašvuohta cealkit oaivilis ja ovdanbuktit golmma riikka sámedikkiid oktasaš oainnuid, muitalii Näkkäläjärvi. – Sámi parlamentáralaš ráđi stivra lea mearridan, ahte sámedikkit sohpet oktasaš beali váldimiin soahpámuša joatkkaráđđádallamiin. – Leat maiddái soahpan, ahte buot golmma sámediggái guoski áššiin ráđđádallat ovttas parlamentáralaš ráđis ovdal mearrádusdahkama.
Näkkäläjärvi muitalii maid, ahte álbmogiidgaskasaš bargoorganisašuvdna ILO álgoálbmotsoahpámuša ratifiseren lea ain stáhtaráđi áššelisttus. – Vuoigatvuohtaministtaris oon dieđuid mielde ášši ovddideapmi lea oaiveministtar Vanhanen ovddasvástádusas. Sámedikki stivra lea gáibidan, ahte ášši galggašii fárggamusat ovddiduvvot ja ordnet ráđđádallamiid deháleamos ministtariid ja oaiveministtara gaskkas, muhto dán rádjái ášši ii leat ovdanan. – Ášši ovddideapmi lea oaiveministtara duohken, gávnnahii Näkkäläjärvi.
Ovttasbargu boazo-ja biodiversitehttaáššiin
Näkkäläjärvi muitalii, ahte sámediggi ordne giđđat oktasaš čoahkkima sámiid ruovttuguovllu bálgosiid boazoisiđiiguin. Áššelisttus lea earenoamáit alimus lobalaš boazologuid mearrideapmi.
Näkkäläjärvi jođiha biodiversitehttasoahpámuša artihkkala 8(j) ollašuhttima Suomas válmmaštalli bargojoavkku. Bargu lea Näkkäläjärvi mielas ovdanan bures. – Ášši válmmaštalli bargojoavku boahtá vel gullat iešguđet sámi ealáhusjoavkkuid ovddasteaddjiid ja galledit sámiid ruovttuguovllus. Ášši válmmaštallamii leat oassálastán maiddái máŋggat sámedikki luohttámušolbmot. - Sámedikki buot lávdegottit leat addán ieaset oainnuid artihkkala ollašuhttimis. Sámediggi lea ohcan ruhtadeami álbmogiidgaskasaš bargobáji ordnemii artihkkala 8(j) ollašuhttimis, muhto ruhtadeapmi ii leat vuos sihkkarastton, muitalii Näkkäläjärvi.
Sámegielaid ealáskahttinprográmma
Sámediggi lea Näkkäläjärvi mielde duhtávaš dasa, ahte stáhtaráđđi lea olmmošvuoigatvuohtapolitihkalaš čielggadeamisttis čatnasan bidjat johtui sámegielaid ealáskahttinprográmma. – Vuođđoláhkalávdegoddi, olgoáššiidlávdegoddi ja oppa riikabeaivvit leat hoahpuhan prográmma álggaheami. Sámediggi lea dahkan álgaga prográmma álggaheamis ja leat hoahpuhan ášši válmmaštallama máŋggain cealkámušain, muitalii Näkkäläjärvi. – Maŋimuštá leat gáibidan ášši ovvideami vuoigatvuohtaministtaris, gii leage sádden áššis reivve oahpahusministeriijai. |
|
Viimeksi päivitetty ( 12.03.2010 ) |