| ”Raporta sámiid olmmošvuoigatvuođain lea áidnalunddot ” |
|
|
 - Sámiid olmmošvuoigatvuođaid gieđahalli raportta lágideapmi lea áidnalunddot bargu.
- Ovdal ráhkaduvvon álgoálbmogiid olmmošvuoigatvuohtaraporttat leat
leamaš hávil ovtta stahtas, gos dávjá orrot máŋggat álgoálbmogat. Sámiid
olmmošvuoigatvuođaid gieđahalli raporta lea vuosttaš, mii boahtá
gieđahallat ovtta álbmoga njealji stáhta guovllus, gávnnahii ON
álgoálbmotraporterejeaddji James Anaya Roavvenjárggas.
Govas ON álgoálbmotvuoigatvuođaid earenoamášraporterejeaddji, professor James Anaya Roavvenjárggas.Govva: Sára Márja Magga.
Earenoamášraporterejeaddji Anaya muitalii, ahte su ulbmilin lea gieđahallat sámiid olmmošvuoigatvuođaid ollašuvvama álgoálbmoga perspektiivvas. Roavvenjárggas 15.-16.4. ordnejuvvon dilálašvuođat ledje oassi sámiid, stáhtaid ja earenoamášraporterejeaddji gaskasaš gulahallamis, mii boahtá joatkkašuvvat dilálašvuođaid maŋŋá. – Raporterema várás ordnejuvvon dilálašvuođaid maŋŋá šaddet dábálaččat lasi gážaldagat, maidda hálidit vástádusaid.
- Raportta ulbmilin lea ovddidit álgoálbmoga vuoigatvuođaid ja diliid positiivvalaš ovdaneami. Raporta boahtá sisttisdoallat oktiigeasuid ja ávžžuhusaid, mat vuođđuduvvet daid geatnegasvuođaide, maid Davviriikkat leat addán iežaset álgoálbmoga ektui.
- Raporta boahtá diehtun stáhtaid ráđđehusaide, sámiide ja almmusvuhtii ja dat ovdanbuktojuvvo ON olmmošvuoigatvuohtaráđđái. Ráđđehusaid ja sámiid ovddasteaddjiin lea vejolašvuohta oassálastit olmmošvuoigatvuohtaráđi čoahkkimii, mii lea almmolaš, muitalii Anaya.
Loga earenoamášraporterejeaddji James Anaya sága 15.4. dollojuvvon konferánssa rahpama oktavuođas dás: OPENING STATEMENT OF THE SPECIAL RAPPORTEUR JAMES ANAYA 15042010 |
|
| Viimeksi päivitetty ( 23.04.2010 ) |