Guovdu Anára kirkosiidda, Juvdujoga gáddái ja Anárjávrri lahkosii boahtti sámekulturguovddáža vuđđui muvrejuvvui metállaskáhppu, mii sisttis doalai ee. vuođđogirjji (njeallje sierra giellaveršuvnna; suomagielat, anárašgielat, nuortalašgielat ja davvisámegielat), anus leahkki šlántečoakkáldaga, Anáris almmustuvvi ođđaseamos báikkálašaviissaid (Inarilainen, Ávvir, Lapin Kansa ja Pohjolan Sanomat) ja árbevirolaš sápmelaš, Sámi Duodji-buvttamearkkain merkejuvvon dujiid.

Siiddas joatkašuvvan ávvudilálašvuođas ávvusága doalai riikkabeivviid ruhtaváljagotti ságajođiheaddji riikkabeailahttu Hannes Manninen. Sámedikki sága doalai Sámedikki ságajođiheaddji Klemetti Näkkäläjärvi, geavaheaddji sága doalai prošeaktahoavda Juha Guttorm ja hukseheaddji sága doalai Senaatti-kiinteistöt hoavda Jukka Liede. Anára gieldda dearvvahusa dilálašvuhtii buvttii Anára gielddastivrra ságajođiheaddji Teuvo Katajamaa. Dilálašvuođa ávvumusihkas vástidii Annukka Hirvasvuopio-Laiti.