Sámekulturguovddáš Sajosis leat Lappi guovlluhálddahusdoaimmahaga AVI čuvgehusdoaimma allagohcci doaibmasajit. Čuvgehusdoaimma allagohcci bargguide Lappi guovlluhálddahusdoaimmahaga suorggis gullet ee. sámegielat oahpahus ja sámeguovllu vuođđoskuvlla ja logahaga oahppiid vuoigatvuođadorvoáššit.

Oahpahusdoaimma allagohcci bargun lea:
- Sámegiela ja sámegielat oahpahusa ovddideapmi
- Sámeguovllu gielddaid skuvlema ovddideapmi, stivren, čuovvun ja árvvoštallan
- Oahppiid lágalaš vuoigatvuođat

- Oahpaheaddjiid lasseskuvlejupmi
- Riikkaidgaskasaš ovttasbargu

- Sámegielat oahpahusa stáhtaossodagat

Sámeguovllus sámegiella sáhttá leat oahpahusgiellan dahje dušše oahppoávnnasin. Sámegiela sáhttá lohkat maid eaktodáhtolaš oahppoávnnasin, goas oahppi vahkkosaš oahppomearri lassána. Logahagas sámegiela sáhttá lohkat eatnigiellan ja/dahje válljenávnnasin. Vuođđoskuvllas ja logahagas oahppi giellaprográmma boahtá gieldda nannen giellaprográmma mielde.  (Gáldu: Lapin Avi)

Lappi guovlluhálddahusdoaimmahagas sámegielat ja sámegiela oahpahusa guoski áššiid dikšu oahpahusdoaimma allagohcci Kari Torikka, tel. 0400-188 472.

Loga lasi Lappi guovlluhálddahusdoaimmahaga birra.