– Davviguovlu mearkkaša munnje buot. Dat lea vuođđu, man ala oppa eallin lea huksejuvvon. Ean vealttakeahttá livčče musihkkarat, jos munnos eai livčče davviguovllus ruohttasat ja lea somá beassat Ijahis ija lávddi ala, iežame olbmuid ovdii, Ursula Länsman Angelit-joavkkus muitala.

Ijahis idja -dáhpáhusas Angelit áiguba iežaska loaiddasteami lassin guldalit eará joavkkuid.
– Mus lea beroštupmi buotlágan live-musihkkii ja leage dehálaš ahte ii dárbbaš vealttakeahttá mátkkoštit Norgga beallai guldalit sámemusihka, muhto mis lea Suoma bealde iežamet sámemusihka festivála, mas lea vejolaš gullat buoremus sámeartisttaid, Ursula Länsman joatká.

Mánáid ja nuoraid beaivi álggaha Ijahis ija bearjadaga 20.8.

150 máná ja nuora birra Sámi váldet oasi Ijahis ija mánáid ja nuoraid beaivái, mii álggaha Ijahis idja –dáhpáhusa bearjadaga. Musihkkabájiin oahpásmuvvat máilmmimusihkkii ja sámemusihkkii. Oahpaheaddjin leat Uulu-oasusgotti lahtut Tamperes ja sámemusihka oahpahit Angelit, Miira Suomi, Milla Pulska, Åse Margget Holm ja Tiina Sanila-Aikio. Bargobájit gieđahallet sámemusihka máŋgga sierra oainnu dáfos ja ulbmilin leage viiddidit davviguovllu mánáid ja nuoraid musihkalaš máilmmigova, sihke sámemusihka siste ja rabasčalmmiid máilbmái.
 
Mánáid ja nuoraid beaivvi váldodáhpáhus lea Ijahis ija násttážat -konsearta d. 13 Ijahis idja –festivála váldolávddi alde Sámi oahpahusguovddážis, gos sámenuorat ovdadit ja besset ieža vásihit festivála vuoiŋŋa oktan backstagein ja sound checkain. Mii lohpidit gelddolašvuođa, loaiddasteami ilu ja musihkkasurggiid luođis rock-musihkkii. Konsearta lea rabas buohkaide ja dohko lea nuvttá sisabeassan.

Ijahis idja –dáhpáhusa lágidit ovttas Anára Sámisearvi, Sámediggi, Sámi oahpahusguovddáš, Sámemusea Siida, Anára gielda ja Giellagas-instituhtta.

Oappážan, vieljažan!

Lassedieđut festiválajođiheaddji Anna Näkkäläjärvis, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , + 358 40 840 0383 ja dáhpáhusa neahttasiidduin čujuhusas www.ijahisidja.fi.

Govvamateriála čujuhusas:
http://www.angelit.net/pictures.html
Govvateaksta: Angelit lávlot Ijahis ija váldodáhpáhusas Ijahis idja –konsearttas 21.8.