Dán áigge sámeráppa máhttit leat olugat, ja das oažžut giitit Amoca, guhte lei vuosttas sámeráppa dahkki go genre gárggiidišgođii 2000-logu alggus. Ijahis ija konsearttas gullat maiddái davvisámegielat ráppa, man loaiddasta Ailu Valle, guhte lea eret Gámasmohkis ja johtán maid gaskariikkalaš lávddiid.

Vuohču luđiid guorramin

Sámeartista Tiina Aikio lea čohkken Ijahis ija –konsertii vuohččulaš juoigiid, geat juiget Vuohču guovllu árbevirolaš luđiid. Juoigit leat Vuohču luđiid guorramin ja sii leat buot ahkejoavkkuin, leat sihke nuorat ja vuorrasat. Ollisvuohta laktása dán giđa almmustuvvan Gilonanoaivvis -skearrui, masa lea vurkejuvvon árbedieđuid guoddiid juoigan máŋggain Vuohču guovllu árbevirolaš luđiin.

Vuohččulaččaid ja Amoca lassin Ijahis ija konsearttas leat Koškepuško Anáris, Angelit Áŋŋelis, Sykkys Jakutias, Svetlana Tsernysheva Chukotkas, Pavel Alekseejev Jakutias, Mollet Gironis ja Adjágas Norgga sámeguovllus ja maid Nils-Heikki Paltto Leammis, Tuomas Aslak Juuso Gárasavvonis, Tiina Sanila-Aikio Čeavetjávrris ja Anna Morottaja Anáris.

Ijahis idja lea jagiid áigge sturron musihkkafestiválan, mii buktá njunuš sámemusihkkaartisttaid Anárii ja maid buktá ovdan báikkálaš sámemusihka maŋimuš šuoŋaid. Čihččet geardde lágiduvvon Ijahis idja čuodjá Anára kirkosiiddas 20.–22.8.2010.

Ijahis idja –dáhpáhusa lágidit ovttasráđiid Anára Sámisearvi, Sámediggi, Sámi oahpahusguovddáš, Sámemusea Siida, Anára gielda ja Giellagas-instituhtta.

Oappážan, vieljažan!

Lassedieđut festiválajođiheaddji Anna Näkkäläjärvis, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , +358(0)40 840 0383 ja dáhpáhusa neahttasiidduin čujuhusas www.ijahisidja.fi.

Govvamateriála čujuhusas: http://www.ijahisidja.fi/index.php?option=com_content&view=article&id=59&Itemid=62