Oahpahus- ja kulturministeriija čujuha mearrádusasttis 24.9. Riikabeivviid vuođđoláhkalávdegotti smiehttamuššii (PeVM 1/2010 vp – K 1/2009 vp), mas lávdegoddi bivddii ráđđehusas beaktilis doaimmaid sámegiela ealáskahttimii. Lávdegotti mielde earenoamáš fuomášumi galgá giddet áitatvuloš anáraš- ja nuortalašgielaid seailuma dorvvasteapmái. Stáhtaráđđi ásahii Suoma olmmošvuoigatvuohtapolitihkalaš čilgehusastis (2009) ulbmilin lágidit sámegiela ealáskahttinprográmma.

Oahpahus- ja kulturministeriija ásaha sámegiela ealáskahttinprográmma plánejeaddji bargojoavkku bargun:

- árvvoštallat sámegielaid diliid ja evttohuvvon buoridandoaimmaid buot golmma Suomas hupmojuvvon sámegiela olis ja

- lágidit evttohusa ollislaš ja guhkesáigásaš sámegiela ealáskahttinprográmman.

Ealáskahttinprográmma galgá sisttisdoallat evttohusaid, mat gusket sámegielaid dutkamuša ja giellagáhttema, sámegiela oahpahusa ja sámegielat skuvlejumi, sámegielat kultuvrra doarjuma, sámegielat beaivedivššu ja giellabeassedoaimma ja eará dakkár servodateallima oassesurggiid, main leat vejolašvuođat nannet sámiid vuoigatvuođa duođalaččat gáhttet ja ovddidit gielaset ja kultuvrraset riikaviidosaččat. Bargojoavku galgá váldit vuhtii sámegielaid diliid ja ovdaneami maiddái eará Davviriikkain.

Prošeavtta stivrenjoavkku ságadoallin doaibmá hoavda Sakari Karjalainen oahpahus- ja kulturministeriijas ja lahttun alladárkkisteaddji Katri Santtila oahpahus- ja kulturministeriijas, olgoáššiidčálli Suvikki Silvennoinen olgoáššiidministeriijas, hoavda Johanna Suurpää vuoigatvuohtaministeriijas, alladárkkisteaddji Panu Artemjeff sisáššiidministeriijas, finansačálli Annika Klimenko stáhtaváriidministeriijas, ráđđádalli virgealmmái Hillevi Lönn bargo- ja ealáhusministeriijas, ráđđádalli virgealmmái Viveca Arrhenius sosiála- ja dearvvášvuohtaministeriijas, hoavda Jorma Kauppinen Oahpahusráđđehusas, várreságadoalli Irja Seurujärvi-Kari sámedikkis (davvisámegiella), várreságadoalli Erkki Lumisalmi sámedikkis (nuortalašgiella), rektor Yrjö Musta sámedikkis (anárašgiella), universitehtalektor Marja-Liisa Olthuis Oulu universitehtas (Giellagas –instituhtta), Martti Laiti City Sámit ro:s, ossodathoavda Kimmo Granqvist Ruoktoeatnangielaid dutkanguovddážis, earenoamášáššedovdi Kurt Torsell Suoma Gieldalihtus ja áššealmmái Antti Arjava Suoma Kulturruhtarádjosis. Stivrenjoavkku bissovaš áššedovdin nammaduvvui veahádatáittarteaddji Eva Biaudet.

Prošeavtta bargojoavkku jođiha earenoamášplánejeaddji Mikko Cortés Téllez oahpahus- ja kulturministeriijas ja lahttun alladárkkisteaddji Maria Biskop oahpahus- ja kulturministeriijas, hoavda Johanna Suurpää vuoigatvuohtaministeriijas, ráđđehusčálli Hanna Kiiskinen sosiála- ja dearvvášvuohtaministeriijas, prošeaktahoavda Petra Magga-Vars sámedikkis ja čuvgehusdoaimmadárkkisteaddji Kari Torikka Lappi guovlohálddahusdoaimmahagas.

Bargojoavkku čállin barget oahpahusráđđi Maija Innola oahpahus- ja kulturministeriijas, oahpahusráđđi Leena Nissilä Oahpahusráđđehusas, skuvlenčálli Ulla Aikio-Puoskari sámedikkis ja dutki Kaarina Vuolab-Lohi Ruoktoeatnangielaid dutkanguovddážis. Bargo- ja stivrenjoavkku doaibmabadji nohká jagi 2011 loahpas.