Sámedikki oktavuhtii leat vuođđudeamen nuoraidráđi. Boahttevaš ráđi váldobargun lea ovddidit sámenuoraid gielalaš ja kultuvrralaš vuoigatvuođaid ja maiddái nannet sámenuoraid identitehta nuo-raidbarggu bokte. Lassin ráđđi boahtá válmmaštallat sámedikki daid evttohusaid, álgagiid, cealkámušaid ja eará bealiváldimiid, mat gusket sámenuoraid.

Ráđđái boahtit válljet vihtta fásta lahtu ja maiddái juohkehažžii persovnnalaš várrelahtu. Lahtut galget leat 18-25-jahkásaš aktiivvalaš sámenuorat. Ráđi lahtut eai dárbbaš leat sámedikki lahtut, eaige sii dárbbaš ássat sámeguovllus. Maiddái sámegiella eatnigiellan ii leat vealtameahttun, muhto sámegiela dáidu lea goittotge buorre leat. Nuoraidráđi válljemis boahtit váldit vuhtii, ahte lahtut ovddastit nu viidát go vejolaš olles sámeguovllu ja maiddái giellajoavkkuid.

Nuoraidráđi ovdaprošeavtta bargojoavku bargá ovttas nuoraidčálliin sámedikki stivrii evttohusa lahtuin, ja loahpalaš mearrádusa bargá sámedikki čoahkkin. Válljejuvvon nuoraidráđi lahtut válljejit vihtta 15-17-jahkásaš áššedovdilahtu. Dát áššedovdilahtut oassálastet boahttevaš ráđi buot čoahk-kimiidda. Hálidettiin lea vejolaš evttohit maiddái áššedovdilahtuid, muhto evttohusa sámedikki stivrii sin válljemis bargá ovdasajis válljejuvvon nuoraidráđđi.

Nuoraidráđđái heivvolaš 18-25-jahkásaš aktiivvalaš sámenuoraid ja vejolaččat maiddái áššedovdilahttun heivvolaš 15-17-jahkásaš nuoraid sáhttá evttohit nuoraidčálli Niina Siltalai. Evttohusaid vuođustusaiguin galgá sáddet dás vuolde máinnašuvvon šleađgapoastačujuhussii dahje poastačujuhussii bearjadahkii juovlamánu 17. beaivve 2010 dmu 16 rádjai.

Lassidieđuid oaččot dárbbu mielde vuolláičállis.

Ustitlaš dearvvuođaiguin, Niina Siltala, nuoraidčálli

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Lehtolantie 1

99870 Anár

gsm. 0503825179