Sámi gielladahku -bálkkašumiin addojuvvo dovddastus sámegielat bálvalusaid ja sámegiela sajádaga ovddideami buorrin dahkkon ánssolaš barggus Suomas. Sámi gielladahku – bálkkašupmi lea duodji ja diploma. Bálkkašupmi addojuvvo sámekultuvrra suodjaleapmi Suomas -seminára oktavuođas Levis bearjadaga dmu 12.00.

-Sávan, ahte bálkkašupmi movttiidahttá Meahciráđđehusa joatkit sámegiela sajádaga ovddideami servodagas ja movttiidahttá bealistis maiddái eará virgeoapmahaččaid buoridit iežaset sámegielat bálvalusaid, dadjá sámi giellaráđi ságajođiheaddji Erkki Lumisalmi.

Sámegielat bargiid rekryteremiin - bidjamiin sámegiela dáiddu virggidikšuma eaktun dahje ánsun - sáhttá buoridit lunddolaš vugiin iežasgielat bálvalusaid. Sámegielaid boahttevuođa sihkkarastima várás lea dehalaš, ahte sámegielat bálvalusain dahkkojuvvo lunddolaš, oinnolaš ja lávga oassi virgeoapmahašdoaimmaide, bálvalusaide ja rekryteremii.

Sámedikki vuođustusat

Sámedikki mielas Meahciráđđehus lea ánssolaččat ollašuhttán sámi giellalága geatnegasvuođaid ja ovddidan sámegiela sajádaga internetgulahallamis, áššehasbálvalusas ja dieđihandoaimmas. Virgeoapmahašbálvalusat leat olggosaddon dábálaččat čálalažžan; Meahciráđđehus fállá dákkár áššehasbálvalusaid lassin maiddái sámegielat bálvalusa. Dat lea bálkáhan sámegielat dieđiheaddji.

Sámedikki mielas Meahciráđđehus lea doaibman ovdamearkkalaččat sámekultuvrra árbedieđu seailuma buorrin sámegielat báikenamaid čoaggin- ja olggosaddindoaimmain. Sin almmustahttán čielggadeapmi Nuorta-Anára sámegielat báikenamain lea erenomáš dehalaš nuortalaš- ja anárašgielaid lundui gulavaš kulturdieđu seailumii.

Sámediggi sávva, ahte bálkkašumi mielde Meahciráđđehus figgá buoridit ain ovddežis erenomážit anáraš- ja nuortalašgielat bálvalusaid bargamiin dain  Meahciráđđehusa lunddolaš doaimma oasi.

Bálkkašupmi lea duodji

Sámi gielladahku – bálkkašupmi duodji, man  ráhkadeaddji lea válljen Sámi Duodji rs. Bálkkašupmi lea duodji, soahkebáhkis duddjojuvvon gárri ja dan lea duddjon duojár, lektor Ilmari Laiti Anáris.

Gielladahku | Kielâtaho | Ǩiõlltuâjj | Kieliteko diplomi 2010 (PDF)
Gielladahku | Kieliteko vuođuštusat | vuáđustâsah | vuâđđjurddi | perustelut (PDF)
Gielladahku | Kielâtaho | ǩiõlltuâjj | Kieliteko. Gárri | Kääri | Kää´rr | Kaara (PDF)  

Lassidieđut: gielladorvočálli Siiri Jomppanen. tel. 010 839 3111, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.