Sámedikki sámegiela doaimmahaga (maŋŋelaš gielladoaimmahat) bálvalusmávssut badjánit 1.1.2011 rájes. Jorgalanbálvalusaid mávssut loktanit 45 euros 65 euroi. Jorgalanbálvalusat

Gielladoaimmahaga addin jorgalusas berrojuvvo máksu suomagielas sámegillii dahje nuppe gežiid 65 euro siiddus 2000 mearkka, mii ii sisttisdoala gaskamearkkaid. Gielladoaimmahaga eará bálvalusat leat dulkonbálvalus ja eará gielalaš bálvalusat. Bálvalusmávssut leat ovddit háve bajiduvvon 22.2.2005. Dárkkit čilgehus bálvalusaid mávssuid birra gávnnat dás: Jorgalanbálvalusat  

- Gielladoaimmahat jorgala váldoáššis áššegirjejorgalusaid, dadjá gielladorvočálli Siiri Jomppanen. Freelancer-jorgaleaddjit fuolahit dábálaččat guhkit jorgalusteavsttain, dego čáppa- ja diehtogirjjálašvuođa teavsttain ja oahppomateriálain, joatká Jomppanen.

Gielladoaimmahat fuolaha láhkateavsttaid jorgaleamis sámegielaide. Doaimmahagas jorgaluvvo ollu čoahkkinbovdehusaid, áššelisttáid, beavdegirjjiid, muitalusat, plánat ja bušeahttaárvalusat. Eará jorgaluvvon teavsttat leat iešguđege eisseválddiid skovit ja prentosat, almmuhusat, gulahusat ja dieđáhusat. Lassin jorgaluvvojit eisseválddiid mearrádusat, lohpeáššit dego birasteknihkalaš áššegirjjit sihke brošyrat, galbbat, neahttasiiddut ja risttalaš teavsttat dego rohkosat.

Gielladoaimmahat koordinere jorgalandoaimma ja dakkár dáhpáhusas, mas gielladoaimmahagas lea hohpolaš jorgalandilli, rávvejuvvo jorgalusa diŋgojeaddji váldit oktavuođa freelancer-jorgaleaddjiide. Gielladoaimmahagas lea listu sámegiela jorgaleaddjiin ja dulkkain, geat leat addán lobi almmuhit oktavuođadieđuideaset. Sin oktavuođadieđuid gávdná maid sámedikki interneahttasiidduin čujuhusas www.samediggi.fi - Dokumeantat - Jorgaleaddjit ja dulkkat.

Oanehaččat sámegiela doaimmahaga birra

Sámedikki sámegiela doaimmahat ollašuhttá doaimmaid sámi giellalága ja –ásahusa mielde. Gielladoaimmahat fuolaha lágas oaivvilduvvon jorgalusaid doaimmaheamis iešguđege eiseválddiide ja lágádusaide, veahkeha daid sámegielat dulkkaid skáhppomis ja eará sámi giellalágas oaivvilduvvon bargguin. Gielladoaimmahat vuođđuduvvui jagis 1992, go sámi giellaláhka bođii fápmui. Guokte vuosttas giellajorgaleaddji álggaheigga barggu jagis 1992.

Lassedieđut: gielladorvočálli Siiri Jomppanen, tel. 010 839 3111, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.