| Sámiid giellabesiid ja riekkesdoaimma ruhtadeapmai 450 000 € |
|
|
|
Oahpahus- ja kulturministeriija juolludii sámediggái stáhtadoarjjan 350 000 euro anáraš-, nuortalaš- ja davvisámegiela kultur- ja giellabeassedoaimmaide ja 100 000 euro giellalávgunriekkesdoaimmaide.
Riikkabeaivvit dohkkehii stáhta jagi 2011 bušeahtas sierra mearreruđa sámiid kultur- ja giellabeassedoaimmaide sámiid ruovttuguovllus. Ruhtadeapmi máksojuvvo sámedikki bakte.
Giellabeassi lea gielalaš veahadaga dahje eamiálbmoga mánáide oaivvilduvvon beaivedikšunbáiki, gos buot doaibma jođihuvvo beare sámegillii. Doaibma ollašuhttojuvvo ordnemiin vuollil skuvlaahkásaš mánáide beaivedikšuma dahje rabas árabajásgeassindoaimma ja skuvlamánáide eahketbeaidoaimma giellalávgunmetodain.
Sámegiela ja kultuvrra ealáskahtti riekkedoaibma ollašuhttojuvvo ordnemiin vuollil skuvlaahkásaš mánáide ja skuvlamánáide moatte beaivvi vahkus doaimma sámekultuvrra vuođul giellalávgunmetodain.
Sámedikki stivra nannii čoahkkimisttis 11.2.2011 doarjagiid geavahanplánaid.
Sámiid giellabesiid stáhtadoarjagat jagi 2011:
Sámiid giellalávgunriekkesdoaimma stáhtadoarjagat jagi 2011:
Lassedieđut: Pia Ruotsala, sosiála- ja dearvvašvuohtačálli, Sámediggi, 040-7262688, pia.ruotsala(at)samediggi.fi |
|
| Viimeksi päivitetty ( 16.02.2011 ) |