| SĮMEKULTURGUOVDDĮˇA LĮSSALIINNIID GOVVOSA PLĮNENGILVU; |
|
|
|
Plánenbarggu ulbmilin lea gávdnat sámekulturguovddáš Sajosii alladását, dálu atmosferii heivvolaš ja áidnalunddot panelalássaliidnegákkesgovvosa, mii buktá dálu sisa iešvuođalági ja earuheaddjivuođa. Lássaliinniide lea dárbu vuostta˛ettiin doaimmahatlanjain
Gilvu lea oaivvilduvvon vuostta˛ettiin olbmuide, geain lea hárjánupmi tekstiila- dahje gráfalaš plánemis. Muhto maiddái earát sáhttet oassálastit gilvui. Oassálasti berre váldit vuhtii teknihkalaš gáibádusaid, mat gáibiduvvojit gilvobarggus. Lássaliinniid lea ulbmil ollašuhttit njuolga lonistuvvon dujiid vuođul.
SÁMEKULTURGUOVDDÁˇA OVDANBUKTOJUPMI
Sámi kulturguovddáš huksejuvvo Anára kirkosiidii Juvdujoga gáddái ja dohko bohtet doaibmalanjat Sámediggái, sámekultuvrii gullevaš máŋggabealat doaimmaide ja maiddái sámi oahpahus- ja dutkandoibmii. Dáid lassin vistti dehálaš doaibmasajit leat oktasaš sajit, mat leat máŋggadoaibma- ja bálvalanfeaskára birra, loaiddastan-, čoahkkin- ja máŋggadoaibmasajit sihke restauráŋŋa. Oktasašlanjaid geavaheapmi lea dehálaš oassi kulturguovddá˛a buot doaimmain.
Sámi kulturguovddá˛a váldoláigola˛˛an doaibmá Sámediggi, mii láigoha lanjaid ovddasguvlui eará geavaheaddjiide. Sámi oahpahusguovddáš lea Sámedikki lassin dálu nubbi váldogeavaheaddji. Dálu eará geavaheaddjit leat Anára gieldda girjerádjodoaibma, Sámi Duodji rs (sámeduojáriid searvi), SámiSoster rs (sámiid sosiála- ja dearvvasvuođasuorggi searvi), Lappi guovlohálddahus-doaimmahat, Sámearkiiva ja restauráŋŋa. Lassidieđut sámekulturguovddáš Sajosa doaibmajurdagis leat dán gilvoreivve loahpas sihke guovddá˛a ruovttusiidduin, čujuhusas www.sajos.fi.
STOHPOGÁLVO- JA TEKSTIILAPLÁNEMA DUOGÁŠ
Sámekulturguovddá˛a arkiteaktaplánemis vástidii Halo Arkkitehdit Oy ja dat lea dahkan kulturguovddá˛a luovosgálvo- ja tekstiilaplánema. Tekstiilaplánema vuođul orgána, mii čoahkkana sámekulturguovddáš Sajosa boahttevaš geavaheaddjiid ovddasteaddjiin, lea mearridan ordnet rabas plánengilvvu panelalássaliinni govvosis. Sámekulturguovddá˛a doaimmahatlanjaide sihke Sámi oahpahusguovddá˛a luohkkálanjaide, mat bohtet guovddá˛ii, bohtet golmmageardásaš panelalássaliidneheaŋggastagat. Okta panelalássaliidni lea luondduvielgat, asehis ja suokkalágan, ja nubbi ovttaivnnat juogo okra, alit, rukses dahje ruoná. Goalmmát panelalássaliidnin boahtá leat panelalássaliidni, mas lea prentengovus, ja justa dan govvosa ohcatge dán gilvvus.
GOVUS, MAN GALGÁ PLÁNET
Panelalássaliinnit bohtet guovtti sturrodagas, mihtut leat 600 mm x 2 390 mm ja 600 mm x 2 090 mm. Prentenlássaliinni suoivva galgá leat čáhppes-vilges-ránes . Vuođđogákkis lea lássaliidnedoaimmaheaddji váljjašumis suokkalágan, vilgesvuđot prentemii heivvolaš gákkis.
PLÁNENGILVVU NJUOLGGADUSAT
1. Prentenlássaliinni plánengilvvu ulbmil lea gávdnat sámekulturguovddáš Sajosa doaimmahatlanjaid ja luohkkálanjaid lásaid lássaliinniid govvosa (ng. prentengovvosa), mii govvida guovddá˛a ulbmila ja luonddu.
2. Gilvvu ordne Sámediggi.
3. Gilvu lea buohkaide rabas. Gilvvu bálkkašupmelávdegotti lahtut eai sáhte oassálastit gilvui.
4. Gilvoáigi lea 20.2.2011 – 31.3.2011. Gilvoevttohusat galget boahtit digitála vurkenneavvus 31.3.2011 dmu 16.00 rádjái, njuolggadusaid 6. čuoggás máinnašuvvon čujuhussii. Mearreáiggi maŋŋá boahtán evttohusaid eai váldde vuhtii.
5. Áššegirjjit, mat máhcahuvvojit Evttohuvvon govus doaimmahuvvo poastta mielde elektrovnnalaš hámis CD dahje DVD-skierruin dahje muitosákkiin. Vurkenneavvus o˛˛ot leat dušše guokte fiilla, mat sisttisdollet ovdalis máinnašuvvon guovtti sturrosaš panelalássaliinniid prentenfiillaid, mat leat mihttolávas 1:1. Evttohusa guođđán nammamearka galgá leat fiillaid namas sihke čállojuvvon vurkennevvui. Dohkkehuvvon vurkenhámit leat .bmb, .tiff, .png ja .pdf. Bálkkašupmelávdegoddi árvvoštallá evttohusaid prentenfiillain prentemii A3 sturrosaš čáhppesvilgesprentosiin. Prentosiid teknihkalaš kvalitehta lea árvvoštallanágga, danin go gárvves lássaliinniid lea ulbmil ollášuhttit njuolga prentenfiillain.
6. Plánenbarggu posten Plánenneavvu mielde sáddejuvvo evttohusa namma ja oktavuohtadieđut konfeluhtas , mii lea giddejuvvon ja man čađa ii oainne. Konfeluhta ala merkejuvvo evttohusa dahkki nammamearka. Vurkenneavvuid ja giddejuvvon konfeluhta galgá sáddet čujuhussii Sámediggi, Angelintie 696, 99870 Anár. Konfeluhttii galgá merket dovddaldaga “Prentengilvu”. CD- dahje DVD-vurkenneavvu dahje muitosákki ala merkejuvvo gilvoevttohusa dahkki nammamearka (ii rivttes namma). Seamma nammamearkka galgá merket maiddái giddejuvvon konfeluhta ala. Bealatkeahtesvuođa sihkkarastima dihtii giddejuvvon konfeluhtta, mas leat oassálasti oktavuohtadieđut, rahppojuvvo easkka árvvoštallama maŋŋá ja go gilvvu boađus lea čielgan. Eará vugiin doaimmahuvvon evttohusat hilgojuvvojit. Dušše beare báhpára ala sárgojuvvon evttohusat ja/dahje ii-prentengárvvis duojit hilgojuvvojit, dušše digitála prentengárvvis materiála váldo árvvoštallamii.
7. Persovdnadieđut gieđahallojuvvojit dušše gilvvu oktavuođas, eaige dat addojuvvo ovddasguvlui.
8. Gilvui sáhttá oassálastit eanet go ovttain evttohusain, muhto guđege govvosa prentenmateriála galgá leat sierra cd- dahje dvd-vurkenneavvus dahje muitosákkis, vaikke daid sáddešiige seammá konfeluhtain.
9. Govvosii addojuvvon gáibádusat
a. Govvosa sáhttá ráhkadit sárgosis, čuovgagovas dahje mas beare. Govus sáhttá leat dávjjes dahje oktilaš, go beare loahpalaš bohtosat leat addojuvvon lássaliidnemihtuid sturrosaččat.
b. Govvosa plánengilvvuin ohcat sámekulturguovddá˛a stiilii heivvolaš govvosa, mii buktá ovdan kulturguovddá˛a - kultuvrras boahtán duogášjurdaga ja mearkkašumi, - sápmelaš iešvuođalági, - doaimma várás dahkkojuvvon imago (sápmelaš, árbevieruid ala huksejuvvon, aktiivvalaš, boahttevuhtii geahčči ja servodatlaš. Oktasaš namaheaddjin lea “eakti ja ealli sámekultuvra”).
c. Govvosa symbolihka ii dárbbaš ákkastallat, muhto dan oa˛˛u dahkat, jus plánejeaddji dan háliida. Ákkastallan ii váikkut ráđi loahpalaš mearrádusdahkamii.
d. Plánejeaddji galgá dahkat ovtta (1) govvosa, main leat vurkejuvvon elektrovnnalaš hápmái guokte prentenfiilla, main nubbi galgá heivet 600 mm x 2090 mm ja nubbi 600 mm x 2390 mm allosaš panelalássaliinniide.
10. Bálkkašupmelávdegoddi
a. Gilvvu bálkkašupmelávdegoddin doaibmá ja dan bohtosa vállje Sajosa gaskaboddasaš ovttasdoaibmanorgána, mas leat ovddastuvvon buot Sajosa fásta geavaheaddjiorganisašuvnnaid ovddasteaddjit ja mii lea dievasmahttojuvvon Halo Arkkitehdit Oy ovddasteaddjiin. Ovttasdoaibmanorgána lahttut leat: Liisa Holmberg, Aune Musta, Erkki Sirniö, Vuokko Joki, Rauna Rahko, Ristenrauna Magga, Kari Torikka ja Jouko Lappalainen.
b. Bálkkašupmelávdegotti čállin doaibmaba prošeaktaoaivámuš Juha Guttorm ja prošeaktaplánejeaddji Marja Männistö.
c. Bálkkašupmelávdegoddi sáhttá dárbbu mielde geavahit barggustis áššedovdiid.
11. Árvvoštallan Gilvoevttohusat árvvoštallojuvvojit anonyman. Bálkkašupmelávdegoddi vállje lonisteapmái guokte (2) govusevttohusa, mat devdet buoremusat govvosii addojuvvon gáibádusaid.
12. Bálkkašumit Evttohusaid lotnunsupmi lea 500 euro barggu ala.
13. Gilvvu ordnejeaddji oa˛˛u buot vuoigatvuođaid lodnojuvvon evttohusaide. Ordnejeaddjis lea maiddái vuoigatvuohta plánejeaddji lobiin rievdadit evttohusa dahje leat geavatkeahttá govvosa.
14. Gilvui guoskevaš vejolaš jearaldagaide vástida sámekulturguovddášfidnu prošeaktaplánejeaddji Marja Männistö, tel. 050-3641 378 ja šleađgapoasta Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Mildosat: Sápmelaškulturguovddá˛a tekstiilaplánenárvalusat
Sámekulturguovddá˛a ulbmilin lea láhčit sámiide buoret dilálašvuođaid ie˛as eavttuiguin doalahit ja ovddidit ie˛aset giela, kultuvrra ja ealáhusdoaimma, dikšut ja ovddidit kulturiešráđđema ja maiddái duvdit sámiid almmolaš eallineavttuid ovdáneami. Lassin guovddá˛a ulbmilin lea buoridit vejolašvuođaid juohkit ja oa˛˛ut dieđuid sápmelaččain eamiálbmogin.
Sámekulturguovddáš lea vuostta˛ettiin oaivvilduvvon sámiid ie˛aset geavaheami várás. Das lea mihttomearrin boahtit Suoma sámiid iešráđđema ja maiddái ealli ja ovdáneaddji sámekultuvrra symbolan, man guovddáš doaibman lea sihke gáhttet árbevirolaš kultuvrra ja maiddái ovddidit ja ođasmahttit sámi servodateallima. Čilgejuvvon váldoulbmila lassin kulturguovddáš fállá viiddis, ođđaáigásaš ja alladássásaš oktasašgeavahanlanjaid (čoahkkin-, auditoria-, máŋggadoaibma- ja loaiddastansajiid ja studiolanjaid) dihte erenomáš vejolašvuođaid lágidit máŋggalágan čoahkkimiid, konfereanssaid ja dáhpáhusaid áidnalunddot birrasis.
Sámekulturguovddáš lea dasto seamma áigge nu Suoma sámiid parlameantadállu go kultur-, skuvlen- ja máhttinguovddáš ja maiddái dáhpáhusdállu iešguđetlágan čoahkkimiiguin, musihkka-, filbma- ja teáhterloaiddastemiiguin. Nuppiide laktásan oassedoaimmat dorjot nuppiideaset sisdoaluid ja sajiid beales.
Sámekulturguovddá˛a hukseha ja oamasta Senaatti-giddodagat ja dan bruttoviidodat lea sullii 4 800 m². Huksenfidnu goasttádusárvvoštallan lea sullii 12 miljovnna euro, mas EU-ruhtadeami oassi lea 5 miljovnna euro. Sámi kulturguovddáš galggašii gárvánit jagi 2012 álggu rádjai. |
|
| Viimeksi päivitetty ( 14.04.2011 ) |