Sápmelaš artisttaid musihkka- ja eará kulturčájáhusat heivejit erenomážit kongreassaid dahje skuvlendilálašvuođaid buresboahtinprográmman, oaivedoaluid prográmmanummirin dahje olles konseartan. Sajosa Čoahkkin- ja dáhpáhusbálvalusat ordne didjiide sápmelaš kulturprográmma.

Dás mii muitalit sápmelaš dáiddáriin, geaid lea vejolaš várret dáhpáhusaide.

1. Annukka Hirvasvuopio-Laiti (Hirvas-Niillasa Heaikka Annukka)

lea sápmelaš musihkar, guhte lea válmmasnuvvan Tampere universitehtas musihkkadutkin/etnomusihkologan. Annukka Hirvasvuopio-Laiti lea eret Vuohču guovllus ja son orru dán áigge bearrašiinnis Ohcejogas. Annukka lávlu Vilddas-joavkkus, mii čuojaha sápmelaš etno/máilmmimusihka. Son lea lávlon buotlágan musihka, muhto son namuha lagamus musihkkastiilan álbmotmusihkas buolvadeaddji musihka ja lávlunstiillaid. Davvisápmelaš árbevirolaš musihkka, luohti, lea maid lahka su váimmu. Annukka lea bargan lávluma lassin maid ee. musihkaoahpaheaddjin, logaldallin, neavttárin ja Sámedikki Sámemusihkkaguovddáža prošeavttas. Annukka Hirvasvuopio-Laiti doallá maid logaldallamiid sápmelaš musihkas ja kultuvrras suomagillii, davvisámegillii ja eŋgelasgillii.

2. Ánnámáret Ensemble

Alladását ja ođđaáigásaš sámemusihkka. Akustihkalaš joavkkus čuodjá harmonihkká, busuki, kontrabasso, piano ja klarineahtta. Joavkkus lávlu anárlaš Anna Näkkäläjärvi. Dilálašvuođa luondu mearrida prográmma guhkkodaga, mii sáhttá leat viđa minuhtas gitta diibmui. Anna Näkkäläjärvi lea almmustahttán ”Beallječiŋat/Earrings” nammasaš cd giđđat 2011.

3. Kristiina (Tiina) Aikio

Kristiina Aikio lea vuohččulaš sámeartista. Kristiina lea lávlon 25 jagi ja juoigan 8 jagi. Tiina Aikio lea almmustahttán máŋggaid cd:aid, ee. Ále Mana ja Sápmi Váimmus. Tiina Aikio lávlu Sajosis ovttas su čuojaheaddjii(gui)n soahpamuša mielde.

4. Tuupa Records Oy - sámegielat musihkka logi jagi

Tuupa Records Oy lea máŋggabealat AV-suorggi fitnodat, mii doaibmá Suomas. Tuupa Records fállá ámmátdási bálvalusaid nu jietnadan- go videobuvttadanbealdege. Sii plánejit ja buvttadit ovdamearkka dihte: *Jietnadan- ja miksenbálvalusaid, *Dáhpáhusteknihka, *Live-jietnadanbálvalusaid, *Ovdanbuktinvideoid/ buktagaovdanbuktima, *TV-ja radioreklámaid, *Musihkkavideoid ja Formáhtaid doaimmahemiid.

Tuupa Records Oy ivdnás prográmmadoaimmahahkii gullet máŋggat fiinna artisttat ja dáiddárat. Tuupa háliida ovddidit ja doarjut sámegiela ja kultuvrra, danin sii buvttadit ja almmustahttet eanaš sámegielat musihka, muhto dieđusge spiehkastusatge gávdnojit!

Sápmelaš artisttat:

* Niillas Holmberg ja Roope Mäenpää (davvisámegielat folk-musihkka)

* SomBy (sámegielat rock-musihkkajoavku)

* Ailu Valle (rap-artista, guhte "ráppe" davvisámegillii; eret Ohcejoga Gámasmohkis)

* Ulda (davvisámegielat etnojuoigan!)

* Vilddas (guhkeskarriera etnojoavku)

* Los Selibatos (joavku kompromissaid haga)

* Amoc (sápmelaš rapmusihka áhčči)

* Tiina Sanila Band (nuortalašgielat rockmusihkka)

* Irdon (akustihkalaš musiseren davvisámegillii)

* Spire (sámegielat pop-rock)

* DJ bálvalusat ee.Dj Stuorraguoika

Oktavuohtadieđut: Jussi Isokoski, beaivválašjođiheaddji-buvttadeaddji, Tuupa Records Oy, Gsm: 040 846 5844 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , www.tuuparecords.fi  

5. Joikukotsamo 

Sápmelaš badjebearaš Armi ja Timo Palonoja Joikukotsamos Saariselkäs lágida máŋggabealat kultur- ja luondduprográmmaid turisttaide. Oažžumis ee. trumbučaskinreaissut Joikun Kotas ja boazosafárat Saariselkä duovdagiin. Prográmma ja boradanbálvalusat oažžumis maid stuorra joavkkuide.

6. Heli Aikio ja Heikki Nikula

Sajosii loaiddastit sáhttá diŋgot maid anáraš Heli Aikio, guhte lávlu anárašgielat lávlagiid ja LIVĐE. Heli lávluma čuojaldahttá ee. Heikki Nikula, guhte maid lea anáraš. Heikki Nikula čuojaldahttá maid eará sámeartisttaid.

Sápmelaš kulturbuvttadeaddji 

Juos hálidat leat mielde Sajosa Kulturprográmmain, váldde oktavuođa Sajosii, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje riŋges nummirii 010 839 3109. Dahje deavdde kulturbuvttadeaddjiskovi.