Sámi duodjeárbevieru luondduresurssaide laktáseaddji árbevirolaš dieđu dorvvasteami várás Meahcceráđđehus addá almmolaš vuoigatvuođa nuvttá váldit stáhta eatnamiin duodjeávnnasin unna meriid sieđgga, leaibbi, soagi ja subi. Maiddái unna meriid vettiid, gámasuoinni, háisuoinni ja boskkaid sáhttá váldit nuvttá. Almmolaš váldinvuoigatvuohta ii guoskka álbmot- dahje luonddumehciid, iige ávnnasin dáhpáhuvvi vuovdin dahje gaskkusteapmi leat lobálaš.

Reatkká váldimii mieđihuvvojit sierra lobit nuvttá ja báhkiid váldimii sierra lobit mávssu vuostá. Dákkár linjás lea sohppojuvvon sámedikkiin čađahuvvon ráđđádallamiid boađusin.

Linnjageassin vuođđuduvvá biodiversitehtasoahpamuša 8 j artihkkalii, mii geatnegahttá stáhtaid suodjalit eamiálbmogiid árbevirolaš dieđu ja Meahcceráđđehuslága 4 §:i, mii geatnegahttá Meahcceráđđehusa dorvvastit sámekultuvrra hárjeheami eavttuid. Linnjageassima lea nannen bajimus hoavda Jyrki Kangas 20.1.2011.

Reatkkáid váldinlobit mieđihuvvojit stáhta buot eará eatnamiidda earet álbmot- ja luonddumehciide sihke muhtun sierra kártii ráddjejuvvon guvlui.

Ráva váldojuvvo sámiid ruovttuguovllus atnui dalán.

Lassedieđut: Ságadoalli Klemetti Näkkäläjärvi