Bohccostallit –joavku Avvilis ovddasta sįmenuoraid Oulus |
![]() |
![]() |
Avvila vuolleskuvlla Bohccostallit –dánsunjoavku dolle riikaviidosaš MOVES –dánsundáhpáhussii Oului ovddastit sámenuoraid miessemánu 20.-22. beaivvi. Joavkku jođiheaddji, oahpaheaddji Bigga-Helena Magga muitala, ahte sii o˛˛o idéa dánsui jakutialaš Sykkys –dánsajoavkkus, man sii oidne Ijahis Idja –musihkkadáhpáhusas Anáris borgemánus 2010.
Sámenuoraid dáiddadáhpáhussii Ohcejoga skuvlii čoahkkanedje njukčamánu maŋimuš beaivvi badjelaš 350 máná ja nuora ovttas oahpaheaddjiiguin Suoma Sámi skuvllain. Ohcejohkalaš Titta Rasmus, guhte jođihii dáhpáhusa ovttas anáralaš Mikke Näkkäläjärviin, álggahii Sámi soga lávlaga masa buohkat serve mielde. Ohcejoga easka válljejuvvon gielddahoavda Matti Korkala buvttii dáhpáhussii dearvvuođaid gieldda bealis. Dánsunčájáhusat besse álgit dan maŋŋá go ohcejohkalaš nuoraid joavkku Moivvas lei lávlon ja čuojahan.
Dáhpáhusa váldotemán lei dánsa riikkaviidosaš Nuorra Kultuvra –dáhpáhusa njuolggadusaid mielde. Ohcejohkii ledje almmuhan mielde 13 joavkku ja okta ovttaskas dánsu, ja oktiibuot lávddi ala dánso lagabui čuođi nuora. Šlájain bivnnuheamos lei modearna dánsa, man lassin oinniimet maiddái gáhtadánssa ja etnihkalaš dánssaid. Dánsungilvvu duopmáriin ledje Tiina Sanila-Aikio Anáris, Solgryn Bär Deanus ja Anna Näkkäläjärvi Ohcejogas.
Dáiddadáhpáhus lihkostuvai hui bures. Dáhpáhusas lea áinge erenoamáš dehálaš sadji sámemánáid ja –nuoraid ja sin oahpaheaddjjid deaivvadanbáikin. Dasa lassin dat fállá vejolašvuođa buktit ovdan skuvllaid máhttu ja kulturdoaimma. Boahtte jagi riikaviidosaš temán lea musihkka, ja doaivvu mielde dalle šaddá stuorát dáiddadáhpáhusa go goassege ovdal ođđa sámekulturguovddá˛is Sajosis Anáris.
Govat: Hannu Kangasniemi |
|
Viimeksi päivitetty ( 05.04.2011 ) |