| Sajosa lįssaliinniid plįnengilvu lea čovdojuvvon |
|
|
|
Anárlaš Tytti Bräysy evttohus "Eallin lásas" ja roavvenjárgalaš Anna-Leena Pyylampi evttohus "Riskun" leat válljejuvvon vuoitin sámekulturguovddáš Sajosa lássaliinniid govvosa plánengilvvus. Guktot oa˛˛uba evttohusas 500 euro sturrosaš bálkkašumi.
Plánengilvu ollašuhttui guovva-njukčamánus 2011 ja gilvvus guđđojedje buohkanassii 31 evttohusa, main bálkkašanlávdegoddin doaibman Sajosa geavaheaddjiorganisašuvnnain čohkkejuvvon ovttasdoaibmanorgána, masa gulai vel arkiteaktadoaimmahaga ovddasteaddji, dohkkehii árvvoštallamii 30 evttohusa. Lávdegoddi hilggui ovtta (1) gilvoevttohusa, go dat lei doaimmahuvvon lávdegoddái gilvvu njuolggadusaid vuostásaččat.
Bálkkašanlávdegoddi mearridii maiddái áv˛˛uhit, ahte govusevttohus "Eallin lásas" geavahuvvošii Sajosa 1. gearddi lásain ja evttohus "Riskun" 2. ja 3. gearddi lásain.
|
|||
| Viimeksi päivitetty ( 18.11.2011 ) | |||
Lássaliinniid govvosa rabas plánengilvvuin ohccui sámekulturguovddáš Sajosii alladássásaš ja fiinna, dálu atmosfearai ja dovdamušaide heivvolaš unihka panelalássaliidnegovus (printtigovus), mii fállá dálu sisa iešlági ja erenomášvuođa. Lássaliidnegovus dahje - govvosat galget maiddái govvidit Sajosa dárkkuhusa, dan doaimma luonddu ja sámi iešvuođalági. Lássaliinnit dárbbašuvvojit ovdasajis doaimmahatlanjaid lásain.
Fuolalaš ja vuđolaš árvvoštallama boađusin bálkkašanlávdegoddi mearridii ovttamielalaččaŧ cealkit nammamearkkaid "Eallin lásas" ja "Riskun" plánengilvvu vuoitin ja lotnut dáid bargguid njuolggadusaid mielde á 500 euro. Gilvvu njuolggadusaid mielde bálkkašanlávdegoddi sáhtii válljet guokte (2) evttohusa lotnun láhkai, mat devde govvosii ásahuvvon gáibádusaid buoremusat. Das lei njuolggadusaid mielde maiddái vuoigatvuohta hilgut buot evttohusaid dahje lotnut dušše ovtta barggu.
