Bohccostallit –joavku oaččui giitosiid Oulus |
Sámenuoraid ovddastan Bohccostallit –joavku oaččui giitosiid ja gudnebálkkašumi Oulus riikaviidosaš MOVES –dánsundáhpáhusas 20.-22.5. movttegis čájáhusainis “Njuovvan”. Dáhpáhussii oassálaste badjelaš 1100 nuora ja máná 126 sierra joavkkus, main Avvila vuolleskuvlla golbma nieidda ja njeallje bártni ledje buot nuoramusat.
Joavkku bagadeaddjit, oahpaheaddjit Bigga-Helena Magga ja Rauna Mätäsaho leigga erenoamáš ilus buori bohtosa gea˛il. Dánssa idéa lei vuolgán jakutialaš Sykkys -dánsunjoavkku čájáhusas Ijahis Idja –festiválas Anáris 2010.
Oulu dáhpáhussii oassálaste maiddái Avvila logahaga Villasat -joavku dánssain Doaivut ja vuoimmehuvvat. Joavkku vihtta nieidda ledje ie˛a hutkán koreografiija dánsui ovttas Teija Sonkkilain, guhte bargá sihke dánsun- ja drámáoahpaheaddjin ja lei maiddái joavkku bagadallin. Dánssa idéa vuođđuduvvá filbmii Guovdageaidnu, gos maiddái duogá˛a Mari Boine musihkka lei luoikkahuvvon. Nieiddaid oahpaheaddji Marjaana Aikio lei gorron nieiddaide fiinna ja girjját gárvvuid.
Ruoktot vuolgime Sunna Nousuniemi, Inga-Saara Magga, Rauna Mätäsaho, Nette Pulkkinen, Bigga-Helena Magga, Maria Saijets, Gabriela Satokangas ja Ellenoora Haataja;
Sandra Salminen, Jan-Kristian Magga, Vilho-Simon Mäkinen, Lassi-Olavi Mäkinen, Ida Grönmo ja Fasku-Oskal Magga.
Govas váilot logahaga oahppi Anne Olli sihke bagadeaddjit Marjaana Aikio ja Teija Sonkkila. Čuovgagovva Anni Näkkäläjärvi. |
|
Viimeksi päivitetty ( 26.05.2011 ) |