Ohcanláhkai guokte ollesáigásaš ja fásta jorgaleaddji virggi |
![]() |
![]() |
Sámediggi almmuha ohcanláhkai guokte (2) ollesáigásaš ja fásta giellajorgaleaddji virggi. Sámedikki oktavuođas doaibmá sámegiela doaimmahat, mii lea vuođđuduvvon jagis 1992 sámi giellalága ollašuhttima várás. Gielladoaimmahaga guovddáš bargun lea addit giellalágas dárkkuhuvvon jorgalusaid sierra eiseválddiide ja lágádusaide. Gielladoaimmahaga váldobáiki lea sámedikki čállingottis Anáris ja dasa lassin das lea siidodoaibmabáiki Ohcejohnjálmmis.
Jorgaleaddjiid doaibmabáiki lea gielladoaimmahaga siidodoaibmabáikkis Ohcejohnjálmmis ja virggit leat namuhuvvon davvisámegielat jorgalanbargguid várás. Virggiid dohkálašvuođagáibádusat leat sámedikkis addojuvvon ásahusa 5 §:a (1727/1995) mielde. Virggiid deavdimis čuvvojuvvo guđa mánotbaji geahččalanáigi. Bálká mearrašuvvá sámedikki bálkávuogádaga gáibádusdási IV/IV mielde (vuođđobálká 2 347,01 euro/mb). Ohcamušaid mildosiiguin galgá doaimmahit sámedikki čállingoddái 30.6.2011 dmu 16.00 rádjai čujuhussii Angelintie 696, 99870 Anár. Lassedieđuid virggiin addá sámi gielladorvočálli Siiri Jomppanen, tel. 050-493 9018. Sámedikki doibmii sáhttá oahpásmuvvat neahttačujuhusas www.samediggi.fi |
|
Viimeksi päivitetty ( 08.08.2011 ) |