Skuvlen- ja oahppamateriálalávdegoddi lea sámedikki skuvlenpolitihkalaš evttohusaid, álgagiid, cealkámušaid ja bealiváldimiid válmmaštalli orgána, ja maiddái sámegielat oahppamateriála plánemis, válmmaštallamis ja juohkimis vástideaddji orgána.

Lávdegotti bargun lea ovddidit sámeoahppiid vuoigatvuođaid iežaset giela ja iežasgielat oahpahussii ja maiddái ovddidit sámeoahpahusa sajádaga Suoma skuvlenortnegis. Dat bargá sámeoahpahussii gullevaš guovlluguovdasaš, álbmotlaš ja davviriikkalaš ovttasbarggu. Lávdegoddi mearrida stáhta bušeahtas (váldoluohkká 29, oahpahusministeriija) sámegielat oahppamateriála ja sámeoahpahusa ovddideapmái dárkkuhuvvon stáhtadoarjaga geavaheamis. Dat válmmaštallá sámedikki čoahkkimii oahppamateriálabuvttadeami jahkásaš ja guhkit áigge plánaid ja addá jahkásaččat sámedikki čoahkkimii ja oahpahusráđđehussii čilgehusa oahppamateriáladilis ja stáhtadoarjaga geavaheamis.

Lávdegoddi vástida lassin Sámenuoraid dáiddadáhpáhusas, mii lea jahkásaččat ovttasbarggus sámiid ruovttuguovllu gielddaiguin ja sámeservviiguin ordnejuvvon mánáid ja nuoraid dáidda- ja kulturdáhpáhus.

Lávdegotti gieđahallan áššiid válmmaštallá ja ollašuhttá skuvlen- ja oahppamateriáladoaimmahat. Lávdegotti áššemeannudeaddjin doibmet skuvlenčálli (skuvlenpolitihkalaš áššit), oahppamateriálačálli (oahppamateriálaáššit) ja oahppamateriálaplánejeaddji (Sámenuoraid dáiddadáhpáhus).

Skuvlen- ja oahppamateriálalávdegoddái gullet jagiin 2008 - 2011 čuovvovaš lahtut ja várrelahtut:

Lahtut:

Yrjö Musta, ságajođiheaddji

Rauni Äärelä, várreságajođiheaddji 

Inker-Ánne Magga 

Asla Järvensivu 

Aslak Holmberg 

Seija Sivertsen 

Liisa Holmberg 

Várrelahtut:

Teija Linnanmäki 

Anna-Liisa Väyrynen 

Maarit Magga 

Kati Eriksen 

Pirjo Länsman-Kiimalainen 

Terhi Harju 

Outi Länsman